影片
更多
2024-04-24
4620 浏览
非常惊讶，呢度竟然系米芝莲一星！先讲服务，侍应表现出嚟好似系几殷勤咁，但讲出嚟嘅每一句「多谢哂」同「唔使客气」，完全感受唔到𠮶份诚意，反而好强烈感受到只系好生硬毫无情感咁回应客人，完全系貌合神离！原来米芝莲觉得呢啲咁嘅服务都OK 㗎？讲到食物，味道尚算唔错，个别菜式都算精致，但有啲就眼高手低，特别系𠮶个白汁脆皮辽参！广东菜嚟讲，个炸皮要够靓，唔使讲都一定要炸两次，第二次系大火翻炸逼返啲油出嚟，呢啲咁基本嘅技巧，真系唔使再多讲啦！但睇吓条脆皮辽参！！𠮶层炸皮朔满晒油，根本啲油都冇逼到出嚟，只能够话个厨师嘅功力真系好唔掂掂啰！另外，就系件琵琶豆腐，上碟嘅时候望落去泄哂气咁，究竟系本身嘅用料令佢下榻无法涨起，定系厨房煮起摆得太耐先至上菜，的确系一个疑问！最后，就系个招牌炒饭，呢个招牌炒饭叫得招牌两个字应该系好有信心之作，可惜饭粒太湿太软，能够唔系炒埋一旧，都算有返咁上下功力，但口感食落真系比一碟靓嘅炒饭湿得滞⋯⋯个炖汤同蒸龙趸腩，算帮佢加番少少分啦，炖汤各方面都合格，而条龙趸质素相当唔错，可惜蒸嘅火候稍为有少少过熟，但都可以接受。整体嚟讲，食完呢餐真系完全感受唔到佢系米芝莲一星嘅工价，所以食
讲到食物，味道尚算唔错，个别菜式都算精致，但有啲就眼高手低，特别系𠮶个白汁脆皮辽参！广东菜嚟讲，个炸皮要够靓，唔使讲都一定要炸两次，第二次系大火翻炸逼返啲油出嚟，呢啲咁基本嘅技巧，真系唔使再多讲啦！但睇吓条脆皮辽参！！𠮶层炸皮朔满晒油，根本啲油都冇逼到出嚟，只能够话个厨师嘅功力真系好唔掂掂啰！
另外，就系件琵琶豆腐，上碟嘅时候望落去泄哂气咁，究竟系本身嘅用料令佢下榻无法涨起，定系厨房煮起摆得太耐先至上菜，的确系一个疑问！
最后，就系个招牌炒饭，呢个招牌炒饭叫得招牌两个字应该系好有信心之作，可惜饭粒太湿太软，能够唔系炒埋一旧，都算有返咁上下功力，但口感食落真系比一碟靓嘅炒饭湿得滞⋯⋯
个炖汤同蒸龙趸腩，算帮佢加番少少分啦，炖汤各方面都合格，而条龙趸质素相当唔错，可惜蒸嘅火候稍为有少少过熟，但都可以接受。
整体嚟讲，食完呢餐真系完全感受唔到佢系米芝莲一星嘅工价，所以食完呢餐之后，印象只记得上面几道出品比较差嘅菜式，其余嘅菜式，都冇乜想返转头再食嘅冲动。
张贴
