台風。R

营业中

休息中

平日附近做完身体检查好想食拉面，难得过咗海又见到呢间咁多好评又黄就过嚟试吓。十二点几嚟到两个仲有位就有得即刻入，佢拉面系得几款，冇饺子𠮶啲小食，见好多人赞个蟹虾汤拉面，就叫呢个嚟试。本身已经包咗紫菜荀同蛋，价钱都唔算贵，如果唔钟意仲可以换呢一款配料，都几贴心。碗面嚟到个样都好吸引，试咗啖汤，味道ok但又唔算好惊喜，面质系粗嘅面，煮得几好，唔会好淋，其他配料正常，但最失望系个叉烧。。。。汤本身唔多，个叉烧本身冻，要勉强浸佢落啲汤变返暖暖地，另外佢主打系低温慢煮叉烧，慢煮系好，但问题啲叉烧切到好薄跟住就咁卷埋一齐，食落碎湿湿又成旧唔热嘅嘢咁，个口感好差，成碗面比个叉烧扣好多分。。。。服务好，又系有良心嘅餐厅，可惜真系唔系好啱我胃口，会拣返其他又有良心又啱我嘅拉面店。