影片
更多
2019-10-14
1632 浏览
呢日同朋友行去元州村𠮶边食lunch，行嚟行去唔知食乜，终于见到第一间食店，系米线舖嚟就入去啦，因为已经好热。一入去发现好彩冷气充足，又坐得阔落👍。睇下有乜食先，主要都系大路嘢，一款$5𩠌米线就$29，饮品另加钱。另外亦都有几款$12小食。我同朋友都唔食得辣，叫咗清汤，比落单呀姐笑我哋渣😑🤣。等咗阵就有嘢食，我同个朋友会share啲𩠌食，我要咗墨丸米线($30)，因为墨丸系$6𩠌，所以要加$1...。嚟到见到碗粉第一个反应系有无搞错，得3粒墨丸😡，够边个食，都算。饮一啖汤先，真系吓亲我，因为劲咸，但就咁食米线就唔觉嘅。米线就普通料啦，正常的，份量都多。至于粒墨丸，咁矜贵吖喇，食完仲嬲，因为粉到不得了...。唉明明系入货都入啲咁难食。我朋友就要咗鸡肉芝士肠米线($35)，芝士肠就有四节嘅，味道正常。而🐔鸡肉呢，就碎湿湿到一个点，见到都唔想食，我朋友夹唔到比我咁济...，而且啲肉亦无厘味道，唔掂啰👎🏿。不过呢到唯一可取就系佢啲配菜算多，有芽菜、腐皮同韭菜，如果有边样唔食就预早落单时讲定。总括嚟讲，米线舖嚟讲佢都算几差，因为都好难会唔好食，但佢啲𩠌同汤底都好唔掂，唔知辣汤系咪会好啲啦😟。价钱
呢日同朋友行去元州村𠮶边食lunch，行嚟行去唔知食乜，终于见到第一间食店，系米线舖嚟就入去啦，因为已经好热。一入去发现好彩冷气充足，又坐得阔落👍。睇下有乜食先，主要都系大路嘢，一款$5𩠌米线就$29，饮品另加钱。另外亦都有几款$12小食。我同朋友都唔食得辣，叫咗清汤，比落单呀姐笑我哋渣😑🤣。
等咗阵就有嘢食，我同个朋友会share啲𩠌食，我要咗墨丸米线($30)，因为墨丸系$6𩠌，所以要加$1...。嚟到见到碗粉第一个反应系有无搞错，得3粒墨丸😡，够边个食，都算。饮一啖汤先，真系吓亲我，因为劲咸，但就咁食米线就唔觉嘅。米线就普通料啦，正常的，份量都多。至于粒墨丸，咁矜贵吖喇，食完仲嬲，因为粉到不得了...。唉明明系入货都入啲咁难食。
我朋友就要咗鸡肉芝士肠米线($35)，芝士肠就有四节嘅，味道正常。而🐔鸡肉呢，就碎湿湿到一个点，见到都唔想食，我朋友夹唔到比我咁济...，而且啲肉亦无厘味道，唔掂啰👎🏿。不过呢到唯一可取就系佢啲配菜算多，有芽菜、腐皮同韭菜，如果有边样唔食就预早落单时讲定。
总括嚟讲，米线舖嚟讲佢都算几差，因为都好难会唔好食，但佢啲𩠌同汤底都好唔掂，唔知辣汤系咪会好啲啦😟。价钱又唔系特别平㖞，出门口先发现对面有2间连锁米线店，早知行多两步好过。呢间米线舖无咁劣嘅地方系环境同店员态度都几好，不过因为食物质素系咁，都系不了。
张贴
