影片
更多
2011-05-12
126 浏览
几年冇见既朋友因工干路经香港，碰巧大家圣诞夜都冇野做，佢就好信任地比我拣个地方出黎食晚饭，大家聚一聚。𠮶日咁啱喺openrice网页见倒＂一杯屋＂既介绍页有好多个＂笑＂，惊住圣诞节会好爆，所以就立刻打电话订定枱。为怕人迫，我特登订六点半，重要早左十五分钟到。去到佢居然话我冇订位，不过因为我地早，可以比位我地先wor。请留意：我地大概八点离开，当时都只系得另外两张散枱有客人。见餐厅冇人，XO就用部新相机拍摄室内环境：所有装修都好开放式，简单整洁，只觉枱櫈细左少少。正当我地研究紧餐牌既时候，姐姐仔就攞左两条热毛巾比我地暖下手，好舒服。Order饮品既时候先知落单𠮶位姐姐仔唔讲中文既，更不懂日文，所以最终要用英语沟通；起初我用中文同日语倾谈既时候姐姐既眼神颇为凶恶，真系有少少惊架，以为自己唔知系咪去左黑店添。 Ume Chu-Hai：$35；虽然有真梅喺入面，但系都只系一杯少甜而又冇乜酒味既梳打水，不值一试。 Honey Citron Vinegar Water：$35；餐牌上推介饮品之一；友人话可以饮得出饮品名内既所有材料，但系Ｄ味就唔系好夹。 前菜：木槺凉拌茄子；冇叫既，唔知系咪免费送既
为怕人迫，我特登订六点半，重要早左十五分钟到。去到佢居然话我冇订位，不过因为我地早，可以比位我地先wor。请留意：我地大概八点离开，当时都只系得另外两张散枱有客人。
见餐厅冇人，XO就用部新相机拍摄室内环境：所有装修都好开放式，简单整洁，只觉枱櫈细左少少。
正当我地研究紧餐牌既时候，姐姐仔就攞左两条热毛巾比我地暖下手，好舒服。Order饮品既时候先知落单𠮶位姐姐仔唔讲中文既，更不懂日文，所以最终要用英语沟通；起初我用中文同日语倾谈既时候姐姐既眼神颇为凶恶，真系有少少惊架，以为自己唔知系咪去左黑店添。Ume Chu-Hai：$35；虽然有真梅喺入面，但系都只系一杯少甜而又冇乜酒味既梳打水，不值一试。
Honey Citron Vinegar Water：$35；餐牌上推介饮品之一；友人话可以饮得出饮品名内既所有材料，但系Ｄ味就唔系好夹。
前菜：木槺凉拌茄子；冇叫既，唔知系咪免费送既呢？ 个样唔错，食落个味有少少甜甜地，咸咸地，几得意。
炭烧上等牛舌：$98；一放上枱个卖相已经扣哂分；有少少奇怪我地个位咁近厨房，个炭烧牛舌都只系微暖；味道偏咸，食落有少少韧，当真系上等牛舌？
韩国风牛舌刺身：$58；剌身系应该涷食，但系都唔应该系未解涷𠮶只啰；少辣可以接受倒，不过味道太过咸，失败！
牛舌丸：$30；少咸，咬落同普通肉丸冇乜分别，完全食唔出系牛舌。
日本炸豆腐：$38；全晚做得最出色既一味！不单够热，豆腐非常嫩滑；虽然系炸物，但一Ｄ都唔油；渗入豆腐既汁液味道亦好细腻，必吃之选！
三文鱼饭团：$20；餐牌上写明＂每日自家打磨谷米＂；友人话味道正常，不过食过更好既。
涷荞麦面：$48；冇乜惊喜，亦冇乜投诉。
食完咁咸既一餐，好自然地问佢攞个甜品餐牌黎睇啦，点知姐姐仔话餐厅冇甜品牌既。友人好客气地埋单请XO食饭，姐姐仔重送左个月历比我地做圣诞礼物添，顺便话比我地知只要比多$20入会就可以享受其他优惠。讲真自己再黎帮衬既机会实在太微，而且唔系自己埋单，所以就冇作回应啦。
张贴
