西貢咖啡餅店

营业中

休息中

每次入西贡经过哩间铺都想停低买啲野食的，贵系贵咗啲，但真心觉得好食，今次又忍唔住排队了。。。排到埋去，听到排我前面嘅两班人都买咗【菠萝油】，次次食菠萝包，今次就试试加块牛油试下啦，再黎一件鲜奶挞吖~俾钱，盛惠26蚊吖，菠萝油15蚊，鲜奶挞就11。。。。。。攞上手，唉。。。又唔热了，唔系新鲜出炉嘅话，哩间啲野真系唔系咁热的，今次我居然仲要菠萝油添，真傻仔。。。攞起个包，轻轻咬咗包表面嘅糖皮。。。嗯。。。可能真系摆咗一阵，已经冇想象中嘅全面松脆了，感觉有啲粘牙feel，加上个包已经唔热了，配埋够冻嘅牛油，真系想讲句。。。。我错了。。。。。。好彩个包仲算软，早知就唔叫佢加牛油好了。。。食完个包，就连个牛奶挞都想一次过解决埋，咬下个酥皮，真系好酥啊，啲牛奶custard都好好味，甜味啱啱好，一啲都冇过火，我一路都对哩间嘅挞好有信心，都都系𠮶句，冻咗喇！！！真系唔系住西贡，要撞正佢地啱好出炉要好多好多运气的不过真心觉得个挞好好味但我食完之后就发现咀角有啲因为热气而变红了，真系要节制下了最后一提，𠮶边有座位的，但如果单买包嘅话就唔好意思了，座位只提供俾叫埋野饮嘅客人的，单买包嘅请企街吧