影片
更多
2017-06-07
2636 浏览
今日一早我们见完客之后行过旺角弥敦道655号胡社生行见到广告牌同派传单嘅大姐话饮早茶会有半价，午市就会有七折优惠，听到好似抵食咁，所以我们就决定去呢间「金苑酒家」饮早茶！我们叫咗爽滑牛肉肠嘅肠粉好软滑薄身，可以清晰睇到入面放满鲜嫩嘅牛肉馅料！带子鲜虾饺嘅饺皮比较厚身咗啲，馅料有带子同虾肉，味道好鲜味！金苑鲜虾饺嘅饺皮好烟韧薄身，虾肉好爽甜弹牙！绿茶奶皇包嘅包质好软熟，而且有淡淡嘅绿茶香味，初头以为入面嘅馅料系黄色嘅奶皇，点知一打开见到系绿色嘅绿茶奶皇，而且质感非常香滑浓郁！怀旧马拉糕都几松软，但祇系一小角，而唔系原盆，感觉唔系好抵食！百花酿鱼肚嘅鱼肚焖得好腍好入味，夹埋爽口弹牙嘅虾胶一齐食，令到口感相当丰富！醋捞秋葵系将秋葵切成粒，再加埋黑醋，食落感觉好清新醒胃！卤水猪仔脚卤得好入味，但唔会好咸，外层嘅猪皮好软滑腍身！总括：表面睇话饮茶有折以为好优惠，点知喺埋单𠮶阵发现，原来所谓嘅折扣系将点心嘅原价特意提高到好似酒店嘅价钱，折完之后嘅价钱就系基本酒楼价钱，而且我们系早茶半价优惠，但他们就收咗我们系午市七折价，令我们觉得好失望同有欺骗顾客嘅成份，就算啲食物几好食都无用！
总括：表面睇话饮茶有折以为好优惠，点知喺埋单𠮶阵发现，原来所谓嘅折扣系将点心嘅原价特意提高到好似酒店嘅价钱，折完之后嘅价钱就系基本酒楼价钱，而且我们系早茶半价优惠，但他们就收咗我们系午市七折价，令我们觉得好失望同有欺骗顾客嘅成份，就算啲食物几好食都无用！
爽滑牛肉肠
62 浏览
0 赞好
0 留言
带子鲜虾饺
39 浏览
0 赞好
0 留言
金苑鲜虾饺
39 浏览
0 赞好
0 留言
绿茶奶皇包
40 浏览
0 赞好
0 留言
绿茶奶皇包
24 浏览
0 赞好
0 留言
怀旧马拉糕
15 浏览
0 赞好
0 留言
百花酿鱼肚
35 浏览
0 赞好
0 留言
醋捞秋葵
23 浏览
0 赞好
0 留言
卤水猪仔脚
20 浏览
0 赞好
0 留言
张贴
