永記潮州粉麵

营业中

休息中

📍永记潮州粉面 上环西营盘修打兰街21号地下立志食匀全香港嘅潮州猪杂粉！见到其他foodie推介，位置又够近，一于试吓！呢间有冷气位，同埋可以喺出面巷仔食，我排多一阵队都要入去冷气位😂。排紧队已经叫你落定单，但系态度系好友善。对于粉面配搭方面会答得好清楚👍🏻猪杂河粉（细）走青 $35猪杂包括：猪膶、猪粉肠、猪肺、猪心、猪耳、猪肚、猪大肠、猪腩肉，都几多选择，份量都多。但个人唔系好钟意白烚猪腩肉，仲要劲厚切，一啖咬落去劲肥腻🥲。唔系味精汤，都唔会有其他潮州粉面嘅重白胡椒味，但个汤真系过份清，会觉得系清水😂，食完都唔会好颈渴。佢嘅河粉都劲容易索水发胀，我已经唔系食得慢嘅人🥹，不过好处就系叫细碗都好够饱。同埋上面啲芽菜同上碗嘢唔系好夹，芽菜都有啲豆腥味。另外，我觉得佢嘅辣椒油系死辣，冇咩香味。目前食过三间西营盘嘅潮州猪杂粉，我会咁样排：达濠仔>潮州人>=永记。