影片
更多
2023-04-10
186 浏览
其实之前已经食过一次其他分店，𠮶阵时第一印象系麻麻。咁啱行开太古城，就谂住下午茶时间揾间餐厅同朋友坐低饮下咖啡倾计，见依间铺都几多人排队，就谂住嚟依度食，比多第二次机会佢。因为唔太肚饿，同朋友叫左碟意粉、pancake一齐食。觉得佢意粉啲款式睇落都好唔错，不过朋友强力推荐辣番茄蟹肉扁意粉，就一于叫嚟试下，而甜品叫左经典英式伯爵茶梳乎厘，饮品方面仲叫左杯伯爵茶鲜奶咖啡。辣番茄蟹肉扁意粉($98)觉得摆盘睇落几吸引，不过食落辣味都几足，对于我依个平时唔太食得辣嘅人嚟讲觉得几辣。但成碟意粉系好食嘅，中意佢意粉嘅质地够弹牙，而且佢系用扁意粉索哂番茄汁嘅味，少少微酸再加上辣，非常惹味。经典英式伯爵茶梳乎厘($158)pancake即叫即整，要预留啲时间叫。觉得佢嘅卖相望落唔错，打卡一流。一共有3件梳乎厘，淋左啲伯爵茶酱。侧边有3粒黄豆粉蕨饼、2件玛德莲蛋糕、香草味雪糕同埋忌廉。如果一个人食嘅话分量真系几多，同人一齐share食会比较好。不过坦白讲觉得个蕨饼同细蛋糕就好麻麻，唔会令我有想食嘅冲动，反而个雪糕仲好食啲。因为之前食过其他分店嘅pancake，觉得唔系好得。初时以为可能系分店问题，但无谂
因为唔太肚饿，同朋友叫左碟意粉、pancake一齐食。觉得佢意粉啲款式睇落都好唔错，不过朋友强力推荐辣番茄蟹肉扁意粉，就一于叫嚟试下，而甜品叫左经典英式伯爵茶梳乎厘，饮品方面仲叫左杯伯爵茶鲜奶咖啡。
辣番茄蟹肉扁意粉($98)
觉得摆盘睇落几吸引，不过食落辣味都几足，对于我依个平时唔太食得辣嘅人嚟讲觉得几辣。但成碟意粉系好食嘅，中意佢意粉嘅质地够弹牙，而且佢系用扁意粉索哂番茄汁嘅味，少少微酸再加上辣，非常惹味。
经典英式伯爵茶梳乎厘($158)
pancake即叫即整，要预留啲时间叫。觉得佢嘅卖相望落唔错，打卡一流。一共有3件梳乎厘，淋左啲伯爵茶酱。侧边有3粒黄豆粉蕨饼、2件玛德莲蛋糕、香草味雪糕同埋忌廉。如果一个人食嘅话分量真系几多，同人一齐share食会比较好。
不过坦白讲觉得个蕨饼同细蛋糕就好麻麻，唔会令我有想食嘅冲动，反而个雪糕仲好食啲。因为之前食过其他分店嘅pancake，觉得唔系好得。初时以为可能系分店问题，但无谂过今次再食依然系有同样感觉。佢嘅pancake外表睇落正正常常有返咁上下厚度，同平时外面食开𠮶啲都无咩分别。食落虽然有蛋香，但里面嘅texture就好淋，系入口即溶，但觉得有啲over左，自己唔系好食得惯依种口感，反而觉得会系蛋浆未煮熟嘅感觉。
至于杯伯爵茶鲜奶咖啡($42)都几好饮，伯爵茶味道算系颇为突出。总括而言，觉得意粉同饮品都唔错，但梳乎厘就麻麻，唔系好适合我。不过餐厅环境系ok，食物卖相都吸引，系几啱同朋友聚餐打卡。
张贴
