孔夫子 (Club East洞天) (已結業)

11月25日 电话订位，仲落埋某几样要预先订既菜式包括拿破仑，网上话佢个拿破仑出色，屋企个老人家好钟意于是满心欢喜期待，蛋糕都无买，加埋生日牌当蛋糕切，六点钟入坐， 一黎同我讲拿破仑买晒，六点钟就卖晒？ 我系第二枱黎，第一枱都系刚刚坐低，撞鬼呀？之后转口风话前两日唔记得打俾我讲卖晒，仲有趣，你有预知能力2日后个拿破仑会卖晒？ 都嬲嬲地，你仲收我20蚊生日牌叫我放系个寿桃当生日蛋糕，都极度有趣，好明显敷衍我，送在几件糕品俾我，寿包又难食，糕品又唔好食，临走俾我见到个经理托住两个拿破仑入房，即是点？ 坐房有得食？今晚我都食在4千几，第一次黎所以预早订都可以随时Cut单？ 不知所谓既服务态度，不如改在个订菜规矩，熟客有得订，生客免问，甘唔驶人哋专登黎你度食，唔会劳气！