鉄板200 (已結業)

星期日晚八点半后在沙田市中心稳食，朋友话之前黎过唔错，所以就入去试下啦。因为夜左啲，所以大把位唔使等直入。环境就一般般，侍应亦唔算醒目，唔系太主动，不过叫到佢地都反应几快。至于食物嘛，今晚叫左四个𩠌其实都算ＯＫ。三文鱼籽玉子烧：鸡蛋里面包住三文鱼子，口味几特别，不过份量太细左啲。盐烧鲭鱼：好味，皮烧得卜卜脆。温泉蛋炒饭：炒得算几干身，唔会太咸，捞埋只蛋之后啲珍珠米更绵，而且份量颇大，几抵食。鹅（定鸭？）肝多士：好大块鸭定鹅肝（唔记得左），连多士食好creamy，加埋沙律酱会减少油腻感。整体虽然唔算好突出，但都唔差。可以一试。