影片
更多
2006-09-05
29 浏览
见下面班朋友讲到五十岚咁唔掂, 我好想帮佢平反, 因为我近月都有去食, 食物同服务都唔系差㖞有日行开去探朋友, 阿嫂煮左佢饭, 老婆要开会, 于是系乐富EYT。上次同朋友食过牛车水, 都好好味, 原本要反桌佢个咖哩牛腩架喇, 点知落到平台, 就系牛车水隔离见到系呢间cheap cheap 日本野入面, 有两条中一仔, 系无家长陪同下, 竟然可以自己打边炉, 仲系度烚紧牛肉。咁, 我既胃食基因就收到发生紧乜事喇。首先, 好有必要讲佢有几抵。开价$58 任点任食, 走人时好君真亦系$58, 加一酱油茶芥全部都唔收。咁食乜呢? 一大抽野, 计有: - 一开黎先黎一个边炉拼盘乜都有- 寿司拼盘: 都好味企理, 唔会湿湿腥腥(我谂去得都唔会同板前呀峰呀果比喇) - 天妇罗拼盘(多春鱼南瓜加冬菇, 好味) - 日式小食十多款选一, 有饭有粥有烩牛尾炸鸡炸尢鱼须等等。我地试过姜汁炒饭, 日式炸鸡, 炸尢鱼须, 炸物相当好, 好味同企理唔那渣, 个炒饭老婆试过话麻麻, 我去到梗系cher 牛, 点会仲得闲同五谷玩。一路食其实仲有廿几三十款边炉料俾你拣任你叫, 最开心梗系有牛肉, 黑爽猪, 围虾, 金菇
有日行开去探朋友, 阿嫂煮左佢饭, 老婆要开会, 于是系乐富EYT。上次同朋友食过牛车水, 都好好味, 原本要反桌佢个咖哩牛腩架喇, 点知落到平台, 就系牛车水隔离见到系呢间cheap cheap 日本野入面, 有两条中一仔, 系无家长陪同下, 竟然可以自己打边炉, 仲系度烚紧牛肉。咁, 我既胃食基因就收到发生紧乜事喇。
首先, 好有必要讲佢有几抵。
开价$58 任点任食, 走人时好君真亦系$58, 加一酱油茶芥全部都唔收。
咁食乜呢? 一大抽野, 计有:
- 一开黎先黎一个边炉拼盘乜都有
- 寿司拼盘: 都好味企理, 唔会湿湿腥腥(我谂去得都唔会同板前呀峰呀果比喇)
- 天妇罗拼盘(多春鱼南瓜加冬菇, 好味)
- 日式小食十多款选一, 有饭有粥有烩牛尾炸鸡炸尢鱼须等等。我地试过姜汁炒饭, 日式炸鸡, 炸尢鱼须, 炸物相当好, 好味同企理唔那渣, 个炒饭老婆试过话麻麻, 我去到梗系cher 牛, 点会仲得闲同五谷玩。
一路食其实仲有廿几三十款边炉料俾你拣任你叫, 最开心梗系有牛肉, 黑爽猪, 围虾, 金菇秀珍菇任卓喇。其他料都不缺架, 大路野唔细讲姐。
牛肉好鲜, 猪肉都好, 烚熟都爽, 我每次闲闲地佢五六转。
咁抵既价钱, 饮野要另叫真系合情合理, 有$20 鲜橙汁, 打边炉买一送一, 又系好抵。另外佢有个餐跟台式饮料, 钟意都谂得过既, 同食$58 + $20 橙一样价(两位计), 我唔like 台野, 觉得麻麻地好饮。
五十岚之前发生过乜事我真系唔知, 但依我见, 个场企理舒适冷气足, 夜场服务好好, 见几个经理同士仔都好落力, 靓都忙到踢晒脚(因为真系好爆场), 但叫野无乜试过话要追先有, 佢地系有柴娃娃, 但系见佢地做得系开心果只, 收碟呀叫野呀无镬捞咁既面口, 我所见好过好多食肆㖞!
张贴