日本沖繩料理 (已結業)

友人做audit，而家系非常之忙，难得仲记得本宫o既生日，最难得系开OT中仍要请本宫食饭，本宫谂O左好耐，终于行到彩星，睇到一直都好想试下o既冲绳料理，所以就去试下。一入到去，装潢好有feel，好多客人都系日本人，连小二都唔系本地人...一o黎就有2碟side dishes，系3条细鱼仔，好好味，点知埋单时一睇，成30蚊一碟，2碟就成60蚊，痴线ga! 咁贵，简直系抢钱，又冇问人要唔要!想叫海葡萄，点知冇... 唉~ 叫o左苦瓜炒猪肉，其实本宫一直都唔食苦瓜，叫e碟o野只系睇下究竟有几好味，点知... 苦瓜仍然系苦，一d都食唔到回甘... 友人话如果去到我o地e个年纪，食苦瓜仍然觉得系苦，只有一个原因，只系因为我o地唔系人上人...叫o左碟花生豆腐，好古怪，因为本宫真系食唔惯冻o既豆腐，仲要系好硬o既豆腐，仲要系成旧都系豆腐，但又有花生味... 超越古怪...西京烧银雪鱼，好好味，原来点面豉，系好味过点沙律酱...墨鱼汁炒饭，又系好好味，d饭好粘，好得意，我o地争食tim~寿司又系好好味，又好新鲜，尤其果碗唔知系咩~ 好滑，但又唔似昆布... 好得意...友人拎o左支醋玩，佢话好似养鬼