豚王 (已搬遷) 新店位置

久仰大名，本身都几喜欢食面类，咁岩系CWB, 五点几应该不用等吧，即刻要试。店内7成满，但不用等位，正如其他食家而言，非常细小及挤迫的小小店，一小圆枱有4位搭枱，理解hk租贵嘛。但如果食品质素真的非同凡向的话，都愿屈就。点了豚王，所以野都选普通（汤浓度，葱花，麻油份量、之类）以可以试出本来味道。等的时候，看别人的食品，面份量不算太少，但点解无烟既？本人最最怕要热食的食物是暖的，自己再摊凉一点是另一回事，尤其麺食呢！热腾腾才够过引嘛！anyway, 2分钟后已经上面，哎呀，幼面黎既？个人喜好粗身的日本拉面，已经有点失望了。汤底好浓郁，有点油，好重麻酱味，麻麻地岩我，都系果句，唔够热啰。面质，好一般货色，唔觉弹牙，又因为幼面关系，似食紧上海面多D。配木耳丝，我觉得有D九唔搭八，仲有2块肥瘦都适中既豚肉。不过，都系2块啫，又唔系银纸咁大块，驶唔驶薄到咁呀！味道只可以叫不过不失，但绝对唔会回味。店员很多，其实服务可以，如果清洁衞生度再好D的话⋯⋯整体而言，$78\碗，𣎴论食物质素及帮趁体验，水准实在过不去，去茶餐厅食仲舒适好多，除非⋯食品真系非同凡向。好明显，只有今次。