Relish Kitchen by ALOT (已結業)

Relish 由观塘开始已经开始帮衬，主要欣赏佢地食物嘅质素。今次系Airside 同进口实木家私舖crossover开咗呢间占地6000尺嘅餐厅，落地玻璃望到发展紧嘅启德，景观开阳，座位空间感都好够，枱与枱之间又好阔落，仲可以带宠物一齐嚟。午市套餐大约百零蚊嘅价位，加钱就可以叫埋其他饮品。分别叫咗个芝士明太子龙虾包配田园沙律及炸蕃薯条/松露酱同埋蒜香野菌海鲜扁意粉，跟餐汤或者沙律。龙虾包好鬼足料，成条龙虾尾系个包入面，炸番薯都好好食。海鲜扁意粉有大虾、青口、帆立贝。饮品推荐饮佢哋啲台湾有机茶，奇莱山青心乌龙茶味道极之强烈，爱茶之人一定钟意。另外𠮶高脚杯嘅系Relish Rose，佢哋嘅signature饮品，系干玫瑰花红茶黑咖啡，带玫瑰花香又有咖啡同茶嘅回甘。佢哋啲Cake都好靓，呢个成支雪条咁嘅系宇治抹茶蛋糕配日本红豆，唔系得卖相，真系好食。