影片
更多
2018-07-22
230 浏览
筲箕湾东大街向来是揾食嘅好地方，由小食、正餐，以至甜品，应有尽有。上次同老公两个去咗「八沢」食招牌拉面，趁今日假期，不用上班，就一于去东大街走番转，而今次嘅目标就系位于东大街同杜云里交界嘅呢间「有钱佬靓粥」。其实嚟之前有睇过网上食评，知道店子嘅粥品真材实料，而且除咗传统粥外，仲有好几款五颜六色嘅粥品供应，例如呈浪漫紫色嘅紫心番薯粥、金黄色嘅南瓜芋头粥、鲜橙色嘅泡菜牛柳粒粥等，甚具创意，所以一直想找个机会来一探究竟。小店地方不大，以外卖为主，舖面十分简单，不过亦设有几个堂食座位。墙身上贴有餐牌，粥品选择非常丰富，约有 14 款，定价由 $10 到 $36 不等，价钱贴地，另外亦有多款佐粥小菜同开胃小食可供选择。如果唔想食粥嘅话，其实店子亦有几款夏日冷面、豆浆粢饭同冰碗甜品等可供选择。粥品嘅款式真系非常多，其实款款都好想试，心大心细，最后拣咗鲍您满足同犊舞京华。鲍您满足 ($29) 以瓦锅盛上，大大煲，分量十足，内含原只汁煮鲍鱼、滑鸡同花菇，上桌时仍滚热辣，米气四溢。粥底绵而滑，入口带米香，鲍鱼虽然唔算大只，但食落腍滑不韧，加埋鸡肉同冬菇，十分足料，以咁嘅价钱，绝对抵食。至于另一碗犊舞京
筲箕湾东大街向来是揾食嘅好地方，由小食、正餐，以至甜品，应有尽有。上次同老公两个去咗「八沢」食招牌拉面，趁今日假期，不用上班，就一于去东大街走番转，而今次嘅目标就系位于东大街同杜云里交界嘅呢间「有钱佬靓粥」。
其实嚟之前有睇过网上食评，知道店子嘅粥品真材实料，而且除咗传统粥外，仲有好几款五颜六色嘅粥品供应，例如呈浪漫紫色嘅紫心番薯粥、金黄色嘅南瓜芋头粥、鲜橙色嘅泡菜牛柳粒粥等，甚具创意，所以一直想找个机会来一探究竟。
小店地方不大，以外卖为主，舖面十分简单，不过亦设有几个堂食座位。
墙身上贴有餐牌，粥品选择非常丰富，约有 14 款，定价由 $10 到 $36 不等，价钱贴地，另外亦有多款佐粥小菜同开胃小食可供选择。如果唔想食粥嘅话，其实店子亦有几款夏日冷面、豆浆粢饭同冰碗甜品等可供选择。
粥品嘅款式真系非常多，其实款款都好想试，心大心细，最后拣咗鲍您满足同犊舞京华。鲍您满足 ($29) 以瓦锅盛上，大大煲，分量十足，内含原只汁煮鲍鱼、滑鸡同花菇，上桌时仍滚热辣，米气四溢。粥底绵而滑，入口带米香，鲍鱼虽然唔算大只，但食落腍滑不韧，加埋鸡肉同冬菇，十分足料，以咁嘅价钱，绝对抵食。
至于另一碗犊舞京华 ($36) 其实就系葱爆牛肉粥，讲真葱爆牛肉就食得多，不过用嚟做生滚粥材料，配搭非常新颖。粥品煲得火候刚好，绵身浓稠；牛肉下得非常慷慨，嫩滑可口，肉味浓郁，加上葱段，跟生滚粥味道合拍，令人吃得滋味满足。
佐粥小菜有紫菜猪肉松、台式脆瓜、雪花皮蛋、韩国泡菜、香辣菜脯粒、脆炸鱼皮、飘香腐乳王同蒸咸蛋黄。呢三款系脆炸鱼皮 ($5)、紫菜猪肉松 ($5) 同蒸咸蛋黄 ($6)，价钱非常经济，几蚊已经有交易。炸鱼皮脆度十足，极之香口；猪肉松够晒松化，入口即溶；咸蛋黄咸香惹味，用来送粥一流！
另外开胃小食就有香煎猪肉韭菜饺、蒸鱼蓉烧卖、萝卜糕、蒸牛肉球、黄金鲜虾饼、香煎芋头饼、莲藕饼同蒸潮州粉果等。呢两款系黄金鲜虾饼 ($25) 同香煎猪肉韭菜饺 ($20)，虾饼用料十足，除咗虾肉，仲有粟米粒同墨鱼粒，食落爽口弹牙。韭菜饺馅料多又新鲜，食落既 juicy 又有肉味，一点也不油腻。
食完热辣辣嘅粥，梗系要整番碗冰冻嘅甜品降降温，拣咗呢款鲜果凉粉 ($18)，卖相系咪好吸引呢？用料都好足架，除咗凉粉外，鲜果有西瓜、芒果、菠萝等，材料堆得满满。凉粉爽滑挺身，入口滑嘟嘟；水果够晒冰冻，食完简直透心凉。讲真，仲有好多款粥都好想试，不过两个人食力有限，有时间一定会再嚟试下店里的几款五颜六色粥同招牌有钱佬粥。
张贴
