影片
更多
2023-01-04
125 浏览
📌 熊本烧肉 - 铜锣湾谢斐道477-481号3楼🗓(4/1) 星期三 ⏰ 晚上6点左右 💈特式：之前有朋友介绍我食呢间任食烧肉，一直未有时间试，今日终于可以试到喇，但佢唔止烧肉咁简单，我觉得系烧肉加放题，佢除左唔同级数嘅牛肉，豚/鸡/海鲜可以烧之外，仲有好多前菜/沙律/熟食/炸物都系任食，加$28仲可以升级刺身都任食。🥩🍔🌭🌮🥗🥯🥘🍲🍝🍣🥟🍤🍱食物：今日本身就想试佢个$298熊本精选放题，但见加$38可以升级食澳洲和牛，咁抵梗系加埋啦，朋友介绍咁样加应该系最抵食，而且可以选择嘅食物已经唔少，等我同大家讲下🇯🇵烧肉味道先。熊本精选放题 - 呢个餐我粗略计过有大约70款食物可以选择，当中我拣左d我觉得好食或者比较少见嘅食物去推介比大家。烧物类 - 净系烧物都已经有超过30款可以拣，我个人觉得最好食/抵食/少见嘅当然除左食澳洲和牛外，另外牛五花/侧腹横肌/肩胛肉/薄切牛小排/厚烧牛舌/牛柏叶/牛胃/豚护心肉/豚肩/鸡软骨/辣鱿鱼/大虾都系几高水准，真系净系食烧物都食到饱，仲未计其他熟食，当中以厚烧牛舌同薄切牛小排最高质，直头好过某d连锁主打食烧肉嘅餐厅。沙律 - 沙律就有3款，我个人
🗓(4/1) 星期三 ⏰ 晚上6点左右
💈特式：之前有朋友介绍我食呢间任食烧肉，一直未有时间试，今日终于可以试到喇，但佢唔止烧肉咁简单，我觉得系烧肉加放题，佢除左唔同级数嘅牛肉，豚/鸡/海鲜可以烧之外，仲有好多前菜/沙律/熟食/炸物都系任食，加$28仲可以升级刺身都任食。
🥩🍔🌭🌮🥗🥯🥘🍲🍝🍣🥟🍤🍱
食物：今日本身就想试佢个$298熊本精选放题，但见加$38可以升级食澳洲和牛，咁抵梗系加埋啦，朋友介绍咁样加应该系最抵食，而且可以选择嘅食物已经唔少，等我同大家讲下🇯🇵烧肉味道先。
熊本精选放题 - 呢个餐我粗略计过有大约70款食物可以选择，当中我拣左d我觉得好食或者比较少见嘅食物去推介比大家。
烧物类 - 净系烧物都已经有超过30款可以拣，我个人觉得最好食/抵食/少见嘅当然除左食澳洲和牛外，另外牛五花/侧腹横肌/肩胛肉/薄切牛小排/厚烧牛舌/牛柏叶/牛胃/豚护心肉/豚肩/鸡软骨/辣鱿鱼/大虾都系几高水准，真系净系食烧物都食到饱，仲未计其他熟食，当中以厚烧牛舌同薄切牛小排最高质，直头好过某d连锁主打食烧肉嘅餐厅。
沙律 - 沙律就有3款，我个人觉得最吸引就系蟹肉蟹籽薯仔沙律。
前菜/熟食/炸物 - 呢d夹埋又有十几廿款，不过我真系食唔到咁多野，所以只系试左清酒煮蚬/付味螺肉/厚烧玉子/吉列带子/天妇罗炸虾/茄子，每样质素都有返咁上下，同埋每样野上枱都系热辣辣，直头可以媲美坊间大型日式放题店。
甜品 - 甜品都有5~6款可以拣，朋友推介脆皮香蕉同棉花串，两个都好得，另外仲试左流心芝士年榚都好好食。
☕️🍵🥤🧋🍺🍷🥃🍹🧉🍾🍶🥛
饮品 - 饮品系自助形式，自行去雪柜拣选，有一壸壸茶同一般罐装汽水/饮品，另外仲有额外收费嘅各种酒精类饮品，又或者加一个价钱可以任饮唔同牌子嘅生啤。
🍽环境：餐厅装修好有日本feel，无论装饰/摆设都睇得出好用心，亦有好多不同时代嘅日本动漫主题海报，可能会勾起大家嘅儿时回忆，餐厅抽风亦做得算唔错，唔会好重油烟味，整体环境都整洁干净。
🤵🏻🤵🏻♀️🤵🏻♂️服务：全程系用QR Code落单，但一埋位职员都好用心介绍menu/饮品区/洗手间位置等等，态度认真唔错，上菜/收碟速度都好迅速，亦无漏单/扣单情况出现。
💰💸价钱：只可以话$330人均任食澳洲和牛烧肉，仲包埋其他日式放题食品，质素又唔错，相当合理抵食。
🐲💬总结：我觉得朋友今次真系无介绍错，我估我都会推介比其他朋友，又或者约埋一大班人嚟食，应该会仲开心。
推荐指数：❤️❤️❤️❤️🤍
澳洲和牛
4 浏览
1 赞好
0 留言
张贴
