新南苑私房菜火鍋鷄煲 (華僑商業中心) (已搬遷) 新店位置

今次唔系第一次去呢度打边炉，今次见夜晚堂食开番，就即刻book位去食。今次叫咗牛魔王，见次次都食海鲜谂住今次试下其他。鸡煲系好食既，不过之后既经验太差几好食都无用。食完鸡煲就嗌咗个麻辣汤底，汤底正正常常无咩特别。之后黎一碟牛，有好几种唔同位置既，每一个位置都试咗一块。试完觉得怪怪地有阵怪味，再俾多次机会试真d，阵味似系d肉放咗系冰格好耐好唔新鲜再吸咗冰格阵雪味。我谂梗系咪我味觉问题，但男友都觉得有阵怪味。我地同店员反映，佢攞走唒d肉送咗一碟真系新鲜切既牛俾我地，个碟就无怪味。不过食完d奇怪味牛肉已经搞到无咩胃口，我地叫咗少量蔬菜食完就离开，去咗第二度食其他野。真系好失望，d肉系有d啡色，唔新鲜都算，有阵怪味真系接受唔到，点可以拎出黎俾人食。我知道任食唔可以expect太多，但连基本野都无，唔会推介去食。