青花亭 (已結業)

呢間我聽過好耐，但一直未試，我哋喺太子即興揀呢間食個lunch。印象中嘅餐廳環境幾啱打卡，初初諗住佢應該都好爆，未必有位，但等都唔駛等就入得，佢有兩層，我哋坐下面果層，都仲有位，餐廳個名、裝修同餐具都係用白底藍花嘅青花瓷，呢個亦都係餐廳嘅主題，環境確實幾特別，古典味得嚟係一啲都唔俗。果時我哋揀嘅咁啱都係西餐，所以以為呢度係中式裝修，食西式嘢。返到去上網睇先知係主打港式fusion菜。我初時都係當係打卡餐廳，價錢係偏貴，但食完覺得比我預期中好得多，真係要親自嚟食先知係幾好食。另外店員服務好好。📍嫩滑雞胸意大利醬汁意大利飯 $128雞胸煎得啱啱好，醬汁應該係新鮮蕃茄，唔好睇少上面嘅香草，直接食都唔錯，仲令到成碟嘢嘅味道更出。📍蒜片海蜆羅勒牛油汁鮮蛋意大利麵 $148 蜆肉係足㗎，唔會煮太耐而令到蜆肉縮咗水，牛油汁拿捏得好好，同蜆肉好夾，麵質軟😋📍吳三桂桔圓圓 $46俾個名吸引咗，點嚟試吓，好大陣桂花味，味道好清香📍冰搖 $48一啲都唔苦，偏甜，好啱唔鍾意太苦嘅朋友