港麵子 (已結業)

本来一心想去九龙湾德福School Food食韩国嘢，点知去到先知道已结业，可能系韩餐潮流渐淡关系啦，不过朋友同我都有啲失望，毕竟真系好耐冇去School Food开餐啰！但系原址开咗间叫港面子嘅港式面店，外面望入去发觉只有少许装修有改动过，其余大部分仍然系School Food旧貌，最后知道原来两间餐厅嘅背后老板都系同一集团，我同朋友都话想试吓新嘢，于是就走入去一试啦，当时人唔多，所以我哋可以直接入场。睇完menu后，发觉食物种类虽然不算多，但面底选择就好多元化，真系谂得出都有，我朋友叫咗个椰香挂汤海鲜喇沙，我就要骨胶原牛尾番茄汤面。椰香挂汤海鲜喇沙一送到，好浓嘅喇沙味已涌入个鼻度，面质弹牙，啲豆卜又索晒喇沙汤底，完全入晒味，简直就系精华所在，我朋友话超正，食唔停口。至于我嘅骨胶原牛尾番茄汤面就更吸引，牛尾炆得好腍，相信系食材用料正，加上浓郁蕃茄汤底，就更特显牛尾嘅牛香，筋肉都超腍，面嘅软硬程度适中，啱晒我口味，最后我食到连汤都饮晒！😅不过认真讲，港面子嘅价钱一啲都唔平，啲面平均都要八十几、九十蚊碗，呢间餐厅仲要冇开水供应，顾客如要饮水就要order枝樽装水，或者叫饮品，真系够晒讲面