雞煲皇

营业中

休息中

之前系youtube睇到条片介绍鸡煲皇，片中佢哋话系最好食嘅鸡煲，我睇完就好想去试吓，因为我觉得佢讲得出话系最好食嘅鸡煲，我估佢之前一定试过一品鸡啩。。。。条片又话最好订位先，话好多人会无位。我又信打电话订位8点半❨两位❩。。。。最终去到晚上8点20分左右，无爆场但算多人的❨可能系星期二无咁多人❩，有八九成满坐。之后叫咗招牌鸡煲加猪皮一齐煮，小辣中麻，但嚟到我觉得都几辣吓，但又唔觉得有麻，一食落口就觉得系花生酱味，而鸡肉又"鞋"，同埋佢哋嘅鸡件切得好怪，旧旧都三尖八角咁，食得好困难。而且如果介绍条片的人食过"一品鸡煲"，我真系想知佢会觉得边间好食啲。另外再加咗一冬瓜同一淮山，一雪碧，埋单计埋加一$320。价钱平过一品鸡，但我觉得一品鸡好食啲。