影片
更多
2021-05-17
216 浏览
前日行开尖沙咀 i square附近，见到呢间舖头做紧试业优惠，还掂唔知食乜，就胆粗粗同朋友走上去试下。上到去后就好快有人安排座位畀我哋，店员（后尾发现系老板娘）见我哋望住个menu时个样好迷惘，就好自然咁行过嚟为我哋介绍，最后我哋叫咗黄金鸡翼、胡麻绿宝、怪味花胶、红油白𤩹、醉凤凰同埋风酥猪扒菜饭。喺等紧嘢食期间就无聊周围望下，店面唔大但整体好colorful，特别系墙身有好多唔同主题同style嘅画：有南瓜车、水墨画、猫猫望窗外夜景等等（可惜唔记得影相），初头觉得有啲怪，但后尾谂返个店名系「梦乐园」，就觉得又几衬几特别呀。咁啱老板娘行过嚟，我哋就倾咗几句，发现墙身嘅画原来全部都系佢画，OMG😱！对于冇乜画画天份嘅我嚟讲，真心觉得佩服！好啦，食物终于上场。作为伪食评家，觉得食物整体质素要俾4.5/5分，cp值系 4/5分，真心推介！黄金鸡翼：所谓黄金就系我至爱嘅咸蛋！咸蛋香味好出，舌头感到身处充满咸蛋幼沙嘅沙滩咁，好食到觉得个人有少少起鸡皮，鸡翼本身够热鸡皮够脆口，肉质嫩滑好juicy，整体完全唔肥腻，个balance做得好好，只恨一碟只有3大只，觉得有啲唔够喉，最后忍唔住攞啲咸蛋汁捞
上到去后就好快有人安排座位畀我哋，店员（后尾发现系老板娘）见我哋望住个menu时个样好迷惘，就好自然咁行过嚟为我哋介绍，最后我哋叫咗黄金鸡翼、胡麻绿宝、怪味花胶、红油白𤩹、醉凤凰同埋风酥猪扒菜饭。
喺等紧嘢食期间就无聊周围望下，店面唔大但整体好colorful，特别系墙身有好多唔同主题同style嘅画：有南瓜车、水墨画、猫猫望窗外夜景等等（可惜唔记得影相），初头觉得有啲怪，但后尾谂返个店名系「梦乐园」，就觉得又几衬几特别呀。咁啱老板娘行过嚟，我哋就倾咗几句，发现墙身嘅画原来全部都系佢画，OMG😱！对于冇乜画画天份嘅我嚟讲，真心觉得佩服！
好啦，食物终于上场。作为伪食评家，觉得食物整体质素要俾4.5/5分，cp值系 4/5分，真心推介！
黄金鸡翼
$52
3 浏览
0 赞好
0 留言
黄金鸡翼：所谓黄金就系我至爱嘅咸蛋！咸蛋香味好出，舌头感到身处充满咸蛋幼沙嘅沙滩咁，好食到觉得个人有少少起鸡皮，鸡翼本身够热鸡皮够脆口，肉质嫩滑好juicy，整体完全唔肥腻，个balance做得好好，只恨一碟只有3大只，觉得有啲唔够喉，最后忍唔住攞啲咸蛋汁捞埋落啲菜饭到食。
胡麻绿宝：绿宝即系莴苣，香港唔系好多地方有得食，所以就点咗佢。口感爽口味道清甜，作为小食，佢可以帮你食第二款食品前refresh下味蕾，等你食真啲味道。
醉凤凰：即系醉鸡。钟意酒味嘅朋友绝不能错过呢道菜，最正嘅系连鸡翼位都去埋骨，系，成碟嘢系真正无骨，好想俾10个赞个大厨，好细心呀！
怪味花胶
$62
1 浏览
0 赞好
0 留言
怪味花胶：我冇食错嘅话，怪味即系麻辣。本身花胶冇味，所以麻辣酱要有返少少咸。整体味道不俗，花胶爽滑，夹起嚟唔会一pat嘢，有弹性。
红油白壁
$58
0 浏览
0 赞好
0 留言
红油白𤩹：即系蒜泥白肉。爱蒜味嘅朋友真系要点呢个：蒜够多，味道香，肉够薄，整体表现出色，好味过出面好多舖头。继咸蛋汁后，又系另一个令我忍唔住要蒜蓉捞饭嘅一道小食。
风酥猪扒菜饭
$98
3 浏览
0 赞好
0 留言
风酥猪扒菜饭：老板娘介绍时话猪扒系用本地黑毛猪（加分！支持本地农业！），肉质弹牙，食到肉嘅甜味，脆而不硬，加埋个菜饭，两个字：一流！
宝岛肠：我朋友食哂，所以我冇食唔到，畀唔到食评
我哋见到menu有好多款特饮同几款甜品，不过我哋第一次嚟，所以保守地点咗2杯蜜桃乌龙，味道清甜，桃味清香，饮完个人好舒服。初头觉得价钱有少少贵，但食完觉得真系值呢个价，因为食物质素同服务真系好好！好开心揾到一间真心好食，店员又nice嘅舖头。老板娘话，如果早啲book、人数够兼大厨做到嘅话，佢哋仲可以安排厨师发办或客人发办嘅服务，听到都觉得吸引，我决定揾多啲朋友一齐试下先！
醉凤凰
$158
2 浏览
0 赞好
0 留言
张贴
