骨煲皇．火鍋世家

营业中

休息中

寻晚同女友车去大角咀揾食,车揾一轮先揾到,但铺外泊满车,下下有大车经过都要开车,觉得好麻烦及食得唔自在,所以就将车泊游乐场附近,有三层高【威信停车场】。去到拎飞等十五分钟左右,以第一个筹号先入去坐低,我同女友叫个中型猪骨煲,但个阿姐话我两个人食一煲细就够,所以我俩就叫个细猪骨煲食。另外再叫(鲜支竹、燕子饺及牛滑),支竹几新鲜,不过都系觉得炸支竹口感好。燕子饺系我女友推介,我都系第一次食,感觉味道真系唔错。牛滑就认真一般,觉得鱼滑会好食啰!坐到九点半左右埋单离去,一佰三十多元唔算贵,但骨唔系猪筒骨,但我个人唔多钟意食猪筒骨,因为怕胆固醇高。但我女友就劲钟意食猪筒骨,所以今次佢有少少失望啰!个人觉得下次有机会经过,都会再过食,果阿姐服务唔错,成日帮我加汤~