Ann姐泰國菜 (已結業)

星期六夜晚8点左右，见唔洗等位就有得入，所以就抱住一试既心态去食。坐低𠮶下先望个餐牌，本身想叫碟菜食，但见到个价钱有少少却步（因为成$88）。好彩未落单，咁啱见到隔离叫左碟菜，哗！细碟到...半斤菜都无，就收$88，梗系唔会叫啦！最后我地叫左泰国菜必叫既冬阴公、香叶肉碎炒饭同烤尤鱼。首先上枱既系香叶肉碎炒饭。炒饭略为湿，无乜肉碎，味道尚可接受，但装饰既菜令碟饭略为减分。之后上既系冬阴公，我地叫左个细既（佢有个大既，价钱差几廿蚊左右，问店员个size几大分别,佢话唔大分别）。个汤唔算辣，但比出面一般食开既较酸，虾得三只，都算大只。但佢落既落唔系一般会落既草菇，系秀珍菇同珊瑚菇。最后上菜既系烤尤鱼。以价钱黎讲（$88），都算系大只，食落有烤既味道，口感唔会因为烤而好干，但佢俾既酱汁就细碟到唔够点，而且唔点就咁仲好食。算系三碟入面较满意既一碟。其实唔计食物，环境坐落唔系好舒服，同隔离枱完全无空间可言，讲乜野隔离都听到。如果想静静地食饭，呢度唔会系一个选择，好有压迫感。但如果喺大埔突然想食泰国野，呢间都可以系提供俾你顶下瘾既选择。