Mamaday (已結業)

下昼路过铜锣湾，抬头望见一座旧式商业大厦嘅阁楼，竟然系一间极有格调嘅西餐厅仔。落地大玻璃、墙身贴满趣怪装饰、每张枱一只手掌咁大嘅陶瓷狗仔，非常好玩，又十分适合影相打卡。偶意间记录低美好嘅回忆，实在非常回味。环境，一流！Lunch Time食得唔多，2个人叫左2个Lunch Set，另加一个甜品，出乎意料地好食。1. 「有得食手打汉堡仲想点？」（个汉堡真系咁嘅名，笑）：手打牛肉有口感，非常有牛肉味，面包厚身又有焗过，配合埋牛肉嘅肉汁一齐食。非常正。2. 「有蟹GO又有蟹肉的蟹蟹蟹意大利扁面」（真系咁嘅名，哈哈）：全碟意粉都有非常多蟹，大量蟹肉，大量蟹膏，全枱弥漫住浓烈嘅蟹膏香味，绝对有五星级酒店西餐厅几百蚊一份嘅Crab Cake嘅感觉。强烈推荐。3. 「比利时窝FULL」：热辣辣窝夫，配冰蓝色海盐雪糕球，再配大大旧焦糖脆脆，同锦密香甜嘅焦糖，口感丰富又有层次，颜色好睇又好食。为成个Lunch划上完美句号。总结，十级推介，环境舒服好玩，食物高质，摆盘又靓。就算浪漫食、一班朋友食、同事Lunch Time食都非常合适，诚意推荐。