大餃子 (已結業)

今次去呢度嘅experience唔系咁好，首先，坐得唔舒服，我已经好瘦，竟然觉得好逼！搭枱会踢到对面个人只脚。第二，服务麻麻地，觉得佢哋态度好懒散。筷子又唔记得俾，好唔愿意返工咁。系我食嘢嘅15分钟内，已经俾客闹咗一次话张凳好湿，未抹就俾人坐。讲讲食物，红油炒手唔辣，肉馅无咩味，系咪想人饱肚就算？个粥普普通通，同出边差唔多。佢唔系难食，如果好饿入去食ok嘅，但系唔系可以enjoy嘅一餐啰！所以我都费事俾差评，但系应该系我第一次觉得餐厅唔好，野食还可以，其他嘢令我食得唔舒服咁就$82，觉得自己好嘥钱！红油炒手（六只） $42皮蛋瘦肉粥$30冻豆浆$10