良辰吉時 (已結業)

系路德围台式饮品开到周围都系，但次次行过都见依间次次都有条人龙系门口震住，其实想试下系咪咁坚好耐，但奈何无咁既耐性去等一杯饮品三个字以上。适逢今日打风又落雨，虽然人龙仲系有，但已经少过平时好多，得三至四个系我前面，一于睇下系咪值得为左杯野饮可以令大家去到咁尽！排队果阵睇过下食评有咩推介，本身想饮黑糖珍珠奶茶，但好多食评都话系隐藏价，太贵啦。其他都系话伏既居多，排左队都系要自己试下先心熄。点左火龙果珍珠奶茶，贪珍珠颜色胜在够特别。少甜，甜度系偏淡，但都ok。奶茶完全无茶味，只饮到甜奶水既感觉。珍珠既色系几靓，认真去𡁻系有少少既火龙果味，但我唔知系真火龙果定色素加调味剂，但口感完全唔掂，咬落去完全无烟韧既口感，实啲啲一咬就散开。饮到一半已经顶唔住丢左佢，真心唔明点解长期咁多人排队。见咁多人话系伏，自己试完终于心熄！如果你又系排紧队买而参考食评睇下饮乜好，千奇千奇千奇唔好好似我咁硬系唔信人，要自己饮过先死心！