倫哥尚品火鍋私房菜 (已結業)

由于食过元朗分店觉得环境食物唔错所以今次想同家人试下尖咀的分店，我地一行十人去到，见到放题既格局，台同台之间好迫，同埋个环境超嘈，其实有少少想走，但一时好离转场去第二个地方，所以都照食啦。等左好一阵先有人比野食，先上鲍鱼都ok，之后等十分钟左右有蒸贝类既野都ok,之后再等等等一阵先上鸡煲，工作人员有教我地要点煮来食但都㶶晒又要整过一煲，元朗个间系有专人跟进帮你煮好，工作人员服务态度好但人手好似唔够揾个人拎个豉油都叫左好几次先比到我地，再等等等终于打边炉，个海鲜拼盆既贝类超多沙搞到成个火锅都系沙又要换煲等等等，牛肉我地十个人先得个一碟，要加就比钱，问佢又无其他平价牛提供就无既，碟牛个样都ok但食唔到牛味，之后再上打边炉既野，有d款唔岩食，想食有咩款简佢地话系得呢d想食可同佢讲再拎，但无餐纸写有咩打边炉配料成晚我同家人都系等等等唔系好知食左咩野，真系比元朗个间差极多，仲有就系冷气唔够开埋好多架风扇都无用，希望呢间可以好好改善，类似形式既鸡煲唔只得佢一间选择。