Neko 熊穴

营业中

休息中

两个人叫咗两个唔同嘅班戟同埋两杯饮品加埋四百几蚊找数，首先环境同食物质素一啲都唔值呢个价钱。 环境唔系话好差，但系都唔系话好到可以收人哋百几蚊一个pancake，另外食物质素方面亦都唔可以系呢个价钱，其实系好普通嘅味道，同我自己喺屋企用pancake粉开嚟煎嘅pancake分别唔系太大，而且份量亦都好细， 饮品叫咗一杯绿茶latte 佢有两个size已经叫咗大个杯，但系都属于细杯。 另外仲有一个花茶唔系特别好饮，唔系好香。 店员好殷勤介绍食物，其实觉得佢有啲长气咗，可能因为冇生意想殷勤啲留住客人，简单问佢间铺开咗几耐，佢就顺势呻话生意差，现在西贡人流不如以疫情时，其实我可以比到答案佢，佢呢个价钱，其实食完再会返嚟再食嘅人一定好少，所以佢生意会差。 我觉得佢呢啲食物水平和地方可以收最多$89一个tea set 餐连埋嘢饮。咁样嘅话可能会多番啲人，佢仲要有+1服务费。