The Joomak (已結業)

黎到尖沙咀The Joomak食韩国菜，朋友book左7点钟，入到黎嘅时候唔算好多人，打开menu见到混酱炸鸡已经觉得好似几特别，有六种酱任你点。于是乎我地就嗌左一份混酱炸鸡，一份紫薯炸蕃薯条，一份韩式松子仁吞拿鱼紫菜饭卷一个素嘅韩式拌饭同埋一个甜辣酱炒年糕。先讲左个炸鸡先啦，炸鸡就咁食系唔错嘅，炸得啱啱好而且啖啖肉，不过酱汁方面就麻麻地，虽然佢d酱汁好似好特别咁，有士多啤梨酱，担担酱之类。。。但系6款酱只系得担担酱叫做好食d，其他酱同炸鸡唔系好夹，好夹硬黎。不过值得一赞嘅系店员会亲自帮你笔d酱系个兜到方便混酱同埋会每一种酱都讲解一下。而紫薯炸蕃薯条呢，其实佢只系系d蕃薯条上面撒上紫薯粉，普普通通甜左少少，可能都系食惯左咸嘅薯条，食紫薯味嘅蕃薯条有少少唔惯觉得奇怪。最好食嘅系吞拿鱼紫菜饭卷，好重吞拿鱼味，本来想问waiter拎酱点都可以悭返，就咁食已经好够味，好食!炒年糕比起出面餐厅嘅失色，原因就系配料少，只系得年糕同埋少量嘅菇，偏辣。至于素嘅韩式拌饭呢。。。可以唔洗试。呢间餐厅提供嘅野食同野饮都比较特别，但系价钱偏高，而且食物质素唔值呢个价，唯一可取嘅系个吞拿鱼紫菜饭。