楓林小館 (已結業)

今晚约左Mammy食饭,唔知食咩好,Mammy住大围,听人讲话枫林小馆好得,等我一早book定位,点知我地三个人去到就只得三枱人~而且有两枱都系游客...老侍应服务好好呀!香酥鸭~8分~鸭肉上面加上一层芋容再酥炸将面层炸至松化,食落面层入口即化,芋容好甘香,再咬深啲先食到鸭肉,底层系鸭皮;虽然入口感觉真系好好,好香,但系芋头太多有啲遮过鸭味,同时食完一件就已经好快觉得有饱滞感!配酱问过侍应系咩酱,侍应话:"都系果啲酱啦!"...哈哈~咁即系咩呀?...不过个唔知咩配酱都无咩特别...所以唔知系咩都无所谓!红烧乳鸽~9分~一食就知道系好野,因为温度够,而且皮好脆,一咬入去仲有肉汁流出黎,无烧得太干,咁先食到食物本身嘅鲜味嫁嘛!冬瓜盅~6.5分~普普通通无咩特别...都系原个冬瓜挖空黎蒸炖啰...入面配料亦唔多,就系淡淡的一个冬瓜汤罢了!西兰花西芹炒带子~6分~比6分就唔系话佢唔好食,只不过系太贵啦!普通到连相都唔记得左影添~炒碟咁嘅野又唔系大碟㖞要成$130,$80就差唔多~带子又唔系鲜带子,一样系雪藏货!核桃糊~5分~睇个样就应该系手磨嘅,因为超级粗粒,唔咬过都唔吞得,味道又无话特别香