Terrace in seaside (屯門市廣場1期)

营业中

休息中

成日經過見到好多人排隊，咁啱今次有位，就去試吓。可能係我自己衰，冇叫佢嘅甜品，最後叫咗一個espresso tonic 同埋一個雞肉千層麵。首先個嘢飲係正常嘅。橙味都幾夾。冇咩特別嘅評價。可以影吓相打下卡OK嘅。個雞肉千層麵真係好後悔叫咗。首先佢係冇咩味。又非常之林啤啤。可能因為用微波爐翻熱，外面有啲乾同硬。感覺好似食緊小學嘅學生餐咁。冇咩味之餘，仲要喺個餐車入邊焗咗好耐，所以好林。質感都幾差下。佢跟咗少少沙律。沙律菜又唔新鮮，仲少少醬汁都冇。連少少醋或者檸檬汁都冇。只係得菜，仲有少少爛爛地。對呢間嘢非常之失望，唔會再有下次。