紅茶冰室

营业中

休息中

今朝食咗个炒面饱到呕，等埋老公放工之后就去咗食下午茶。每一次经过尖沙咀都会见到餐厅门口有人排队。今日终于有机会食喇！🌱招牌冰火脆皮菠萝油揭开菠萝包，加片口感微冻半融的牛油，一啖咬落去，菠萝的皮脆口，面包都几软熟，牛油和菠萝包融为一体。🌱香脆奶油猪呢个奶油猪过咗气，𠮶边焦脆，但面包好韧。牛油太多，炼奶太少。🌱冻柠茶菠萝包和奶油猪都改配冻柠茶，同咗伙计讲少冰，最后梗系冇少冰啦！茶味唔够浓，柠檬味酸，糖水多咗啲，冲得麻麻地！🌱出炉曲奇蛋挞为咗呢个蛋挞等咗两转，就系为咗食新鲜出炉的蛋挞。曲奇蛋挞食完之后会觉得口干，不过蛋系几香。🌱招牌沙嗲牛肉面+top one丹麦酥+火腿奄列老公话个沙嗲牛肉面麻麻啰，丹麦酥可以，火腿奄列太油。好在唔系等咗好耐，等咗8-10分钟到，如果要等得耐就唔值。