豚王 (V Point) (已結業)

叫咗个豚王拉面，但系拉面入面块猪肉薄到好似火锅𠮶啲猪肉片咁，令人非常失望。加其他配料要另外加钱。糖心蛋腌得唔入味，加蛋加$19。求其俾一块寿司紫菜要加$12。葱同面不成比例，太多葱，差不多铺满半个碗。拉面同埋汤底还算可以，但系就冇惊喜冇特别。服务非常一般，填好晒张纸就递俾楼面。张枱坐得好窄，本身四人枱加块透明板间做两人枱，个水壶仲俾人拣开咗冇得加水，职员开到后来才主动加水。总之整体嚟讲食得唔高兴，唔值呢个价钱。