壹壹漁一 (已結業)

钢牙小妹话佢琴晚去左打边炉，挑起猪嘅边炉瘾，决定都去下佢所介绍嘅壹壹渔一。呢间铺头喺帝盛酒店2楼，同一般打边炉一样，有几款唔同种类及价钱嘅牛肉拣，无限refill，饮品其他食材都系自助。不过唯一有d唔同嘅系，呢度环境真系酒店嘅感觉，舒适宁静，少左火锅餐厅嘅热闹感，但换黎一个非常干净卫生嘅环境。呢个酒柜好靓火锅放题，提供五款优质肉类选择，有精选牛胸腹肉、顶级肩胛肥牛、澳洲M6和牛、日本黑毛和牛、鹿儿岛豚肉，另外仲包埋牛舌心同精选豚肉，我地就要左个M6和牛试下，拣左个花胶鸡汤底。汤底滚滚下，我地就出动睇下有咩食，都有几十款锅物配料可以自由夹，而啤酒汽水及Haagen-Dazs雪糕都系任饮任食，正👍花胶都算大块同厚身（左手揸唔到筷子夹，影到好差😂😂），滑嫩中带点爽口，不腥不燥，汤头鲜甜，感觉几滋润。夹左d丸物，午餐肉，炸鱼皮同响铃，粒猪骨浓汁页丸超正，弹牙又juicy。牛肉嘅质素高，我地除左试M6和牛亦都试左顶级肩胛肥牛，前者脂肪含量低，而且牛肉味都好浓，食好多都唔腻，后者质感厚实d,都香牛味，仲有牛舌心都好好味，我地前后都食左7，8碟牛肉，哈哈。虽然天气唔够冻，但打边炉系要继续嘅