十二味不只是烤魚 (已結業)

虽然成日话打边炉会厌会厌，但对于烤鱼，我地有一种偏爱。因为烤鱼嘅香辣味，再配合配料，系好似会上瘾咁成日想食。我地今次去到天后呢间烤鱼店，首先已经俾门面吸引住，一幅大嘅壁画，再配合抢眼图案，好吸睛。入到去，装修都几企理，比起我地平时去荃湾啊、旺角果啲烤鱼店，冇咁「老土」，加上有好多卡位，二至四人合适。食物方面，呢度嘅烤鱼有四款鱼选择，再配合唔同嘅味道，所以亦比一般烤鱼店优胜。除烤鱼外，仲提供唔少前菜、小炒、串烧，当然唔少得仲有其他火锅配料。烤鱼：我地点左江团鱼，拣左少辣，江团鱼系比较少细骨，一条主骨，拆起肉来都唔会太困难，比较适合唔太识吐骨嘅人士。而且鱼肉都算厚身，又无鳞，泥味唔重，鱼系煎香左，再配上香辣汁，有少少花椒，带出麻香味闻到都流哂口水。手切牛脊肉：配料方面我地点左牛肉，大约左有廿片，一律薄切，唔算太腍身，普普通通。黄豆芽、娃娃菜：都系非常适合用黎做烤鱼嘅配料，当煮腍、索哂汤汁后，又甜但又有辣汁嘅味道，非常过瘾。炸响铃：冇得倾，打任何边炉必点，呢度嘅炸响铃都系一贯水准。宽粉：薄而阔身，有少少似河粉，渌熟后又烟韧又滑溜，索哂啲汤汁，好好食。另外我地点左烧烤，烤茄子同埋鸡软骨，茄子面