甘味讚岐手打烏冬

营业中

休息中

今日去皇室堡睇戏，想睇戏前食左饭先，近近地就系「甘味赞岐手打乌冬」，其实如果唔系对乌冬特别喜爱，可能你未必选择入呢间餐厅，但一睇餐牌，你会发现除左乌冬，仲有好多唔同既菜式。呢排疫情，好耐无食过日本菜，我就点左鱼生饭，女友点左豚肉乌冬。鱼生饭正常表现，比一般大众化日本餐厅做得好，鱼生算系新鲜，而饭亦都有用醋及珍珠米处理。女友就表示豚肉乌冬除左大碗之后，无咩特别要讲既地方。另外有点鸡软骨及鸡翼做小食，因为刚才两款主食味道偏清淡，叫多两份重味既小食调节下，鸡软骨炸得够脆及香口，而鸡翼亦都好野味，食完都已经好饱，最后两人消费满$200又有一份烧鳗鱼，可能系太饱既原因，食落觉得份鳗鱼太肥，肉唔够扎实，而且个汁太甜。总括黎讲，CP值都系高既，始终系铜锣湾晚市时段，呢间系皇室堡内既餐厅既价钱可能比起同区既地铺车仔面仲要平，而且味道唔差，环境亦宽敞。