更多
2022-02-26
1026 浏览
煮饭煮左个几星期,灵感开始江郎才尽,今日出开湾仔,决定帮趁卤八外卖,黎个啖啖肉晚餐。今日买左半只卤水鸭、一只卤水鹅肾、一只卤水鹅肝同一份潮式咸菜。三款食物既卤水做得唔错,有其卤香但又不至于抢去食材本身味道。卤水鸭肉无鸭膻味,半只鸭份量亦唔算少,两个人食仲有剩,可以留作下餐炆支竹。鹅肝火喉刚好,有淡淡肝脏油香味但绝不觉得腻或者口感太老,连一向唔钟意食肝脏既老公都密密夹。下次一定要买够两只!鹅肾亦系后悔买得太少,质感爽口而不靭,肉质充满咸香,买得一只实在唔太够食。见到老公好想继续夹但又忍口让我,真系有啲后悔买得太少令大家未能尽兴。潮式咸菜反而有啲出乎预期。我心目中既咸菜应该系咸菜猪肚汤果种咸咸香香既腌菜,但卤八既潮式咸菜其实系餐前小食咸酸菜,我实在失策!因为我真系好钟意咸菜猪肚果种咸菜!卤八虽然叫「鹅店」,但其他卤味一样有水准,各位不妨叫多几款食物,好好enjoy!
今日买左半只卤水鸭、一只卤水鹅肾、一只卤水鹅肝同一份潮式咸菜。三款食物既卤水做得唔错,有其卤香但又不至于抢去食材本身味道。
卤水鸭肉无鸭膻味,半只鸭份量亦唔算少,两个人食仲有剩,可以留作下餐炆支竹。
鹅肝火喉刚好,有淡淡肝脏油香味但绝不觉得腻或者口感太老,连一向唔钟意食肝脏既老公都密密夹。下次一定要买够两只!
鹅肾亦系后悔买得太少,质感爽口而不靭,肉质充满咸香,买得一只实在唔太够食。见到老公好想继续夹但又忍口让我,真系有啲后悔买得太少令大家未能尽兴。
潮式咸菜反而有啲出乎预期。我心目中既咸菜应该系咸菜猪肚汤果种咸咸香香既腌菜,但卤八既潮式咸菜其实系餐前小食咸酸菜,我实在失策!因为我真系好钟意咸菜猪肚果种咸菜!
卤八虽然叫「鹅店」,但其他卤味一样有水准,各位不妨叫多几款食物,好好enjoy!
$75
124 浏览
0 赞好
0 留言
$30
120 浏览
0 赞好
0 留言
104 浏览
0 赞好
0 留言
张贴