影片
更多
2023-03-25
2018 浏览
22-03-2023我地一行8人去屯门三圣村「南记海鲜饭店」朋友早啲去附近街市买定海鲜，拎黎南记安排点煮，到5点半左右等齐人，就叫侍应可以安排上菜，等到6点15分，都未有菜上，就问其中一位四眼叔叔，点解仲未上，我地一共追左2次，2次四眼叔叔都话：「肚饿啊？点解唔叫只烧鹅食啊？」我地怀疑因为我地冇叫到南记入边既𩠌同埋烧鹅，就专登迟迟唔上菜，因为我地5点半叫上菜，佢地铺头既客人连一半都冇，系都要拖到最后先帮我地上菜，去到7点，我朋友忍唔住再问四眼叔叔，我地等左成个几钟，汤都未见到有得饮㖞，跟著15分钟之后啲海鲜就好快咁上哂！第一道菜-「脆皮芝士焗龙虾」不愧系招牌菜，真系好好食！个芝士酱唔会好浓味而抢左龙虾既鲜味龙虾焗得岩岩好，唔会过火，真心好食第2道菜-「椒盐濑尿虾」我地怀疑南记用我地既新鲜濑尿虾，换左去比人地，因为我地买海鲜个度系识人，逐只新鲜识跳既简黎买，但黎到8只入边有2只系梅架啲肉，同佢地职员反映，就话系我地啲虾黎，我地拎黎唔关佢地事！第3道菜-「西芹炒花尾趸腩」依道菜煮得好好，肉冇过火，但味道偏淡第4道菜-「炆花尾趸骨腩」依个炆得好好食！好够味但唔会过咸，不过一定要亲热食，冻左食
我地一行8人去屯门三圣村「南记海鲜饭店」
朋友早啲去附近街市买定海鲜，拎黎南记安排点煮，到5点半左右等齐人，就叫侍应可以安排上菜，等到6点15分，都未有菜上，就问其中一位四眼叔叔，点解仲未上，我地一共追左2次，2次四眼叔叔都话：「肚饿啊？点解唔叫只烧鹅食啊？」我地怀疑因为我地冇叫到南记入边既𩠌同埋烧鹅，就专登迟迟唔上菜，因为我地5点半叫上菜，佢地铺头既客人连一半都冇，系都要拖到最后先帮我地上菜，去到7点，我朋友忍唔住再问四眼叔叔，我地等左成个几钟，汤都未见到有得饮㖞，跟著15分钟之后啲海鲜就好快咁上哂！
第一道菜-「脆皮芝士焗龙虾」
不愧系招牌菜，真系好好食！
个芝士酱唔会好浓味而抢左龙虾既鲜味
龙虾焗得岩岩好，唔会过火，真心好食
脆皮芝士焗龙虾
87 浏览
1 赞好
0 留言
第2道菜-「椒盐濑尿虾」
我地怀疑南记用我地既新鲜濑尿虾，换左去比人地，因为我地买海鲜个度系识人，逐只新鲜识跳既简黎买，
但黎到8只入边有2只系梅架啲肉，同佢地职员反映，就话系我地啲虾黎，我地拎黎唔关佢地事！
椒盐濑尿虾
125 浏览
0 赞好
0 留言
第3道菜-「西芹炒花尾趸腩」
依道菜煮得好好，肉冇过火，但味道偏淡
西芹炒花尾趸
50 浏览
0 赞好
0 留言
第4道菜-「炆花尾趸骨腩」
依个炆得好好食！好够味但唔会过咸，不过一定要亲热食，冻左食就觉得好油🤣
炆花尾趸骨
37 浏览
0 赞好
0 留言
第5道菜-「盐焗花螺」
我地又怀疑佢地换左我地既花螺🫠
因为我地简既时候系一大袋，仲要粒粒都好平均好大只，但黎到既时候变左做一兜仔用锡纸装住，仲要啲螺放得好有技巧，大粒系面，底下个啲全部细细粒，咁样几好食都假啦，同侍应讲又系一句：「你地带黎既海鲜，我地唔清楚」
盐焗花螺
40 浏览
0 赞好
0 留言
第6道菜-「粉丝蒸消失的元贝」
我地买海鲜个阵，人地写系「特大苏格兰元贝」点都冇谂过送到上黎，睇唔到粒元贝系边🤣我个人认为佢处理海鲜既时候，可以问下客人啲裙边要唔要，我真系第一次见到会掉左我啲裙边既铺头，
仲要蒸到过哂火，有2个朋友牙口唔好，食唔到🫠后尾问番做冻肉批发既朋友，佢怀疑间铺会唔会用急冻带子换左我地新鲜既，因为急冻系有连壳带子买，正正就系冇裙边既
粉丝蒸消失元贝
44 浏览
1 赞好
0 留言
第7道菜-「盐焗重皮蟹」
我第一次食重皮蟹，卖海鲜个姨姨叫我地一定要食埋个皮，真系冇得弹！好好食～
盐焗重皮蟹
45 浏览
0 赞好
0 留言
盐焗重皮蟹
36 浏览
0 赞好
0 留言
第8道菜-「滚豆腐蚬肉鱼骨汤」
啲蚬系买海鲜既姨姨送既，但系佢送得太多🤣成5斤，个汤埋单要3旧水🤣
蚬太多，变相个汤好咸，如果淡番小小其实好好味😋
豆腐蚬肉鱼骨汤
30 浏览
0 赞好
0 留言
总结：
「南记海鲜饭店」其实煮出黎既野系好食，不过加工费偏贵，
不过系咪真系会发生我地怀疑既情况，我谂就见人见智喇，因为我地唔系搭朋友订台，我朋友就话以前托人订台，系冇发生过我地怀疑既情况，更加唔会等成个几钟先上菜，同逼人食烧鹅🤣🤣
至于服务-啲服务员全部都爱理不理咁，全部都系「做就36唔做36」既态度，其实都几无奈
张贴
