米走雞Deluxe (已搬遷) 新店位置

黎到呢好应该试下佢地个招牌鸡煲，但我地得两丁友，我又心思思想食多d花款，所以都系打个靓边炉算了～星期日晚六点几黎到，都有好几枱人已经食紧鸡煲。我同朋友填左10分钟先拣好野食。。餐厅会上酱料盘，你可以慢慢自己配搭。汤底好快上，个煲size 两人食几好。最正系汤底好多料，豆腐粟米红萝卜仲有好多芫茜！娃娃菜够鲜甜，我地叫半份都好大份。红薯粉记住唔好煮太耐，会淋。个粉好有咬口。冬菇靠得住，够新鲜。之后ge五宝丸，有虾丸墨鱼丸牛丸猪肉丸同鲮鱼球。最中意虾丸，一咬d虾味出哂黎。粒粒丸都好弹牙，唔点酱都够味。四拼饺，水饺系我首选，大大只入面d木耳劲爽口。仲有韮菜饺牛肉饺云吞。最后个蜂巢豆腐，吸哂d汤，好正，但唔好煮太耐啊，始终都系豆腐。