擂台

营业中

休息中

十万个激嬲女友嘅理由当中肯定有一半系因为女朋友唔钟意你打机，而作为24孝男朋友嘅我就已经为咗我嘅爱人放弃咗我嘅电竞美梦。点知真系天无绝人之路，早两日经朋友介绍下嚟到The Ring，我简直感觉置身男人嘅天堂，梦想嘅舞台，呢间居然系一间电竞酒吧OMG!!! 大屏幕嘅影像，加上专业嘅电竞椅，我睇到都已经热血沸腾Arrrrrrrr。本身担心参加比赛要比报名费，点知只要买一杯酒精饮品就已经可以报名参与，真心开心到笑出嚟！可惜我嘅技术日久失疏，想当年跑Online驰骋沙场嘅我，今日输到惨不忍睹，就唯有坐埋一边饮嘢睇人比赛算啦。呢度嘅酒精饮品选择都好多，酒杯造型仲要别树一格，影俾女朋友睇佢已经叫我下次要带佢嚟添 (真心我痴咗线先会带佢嚟啦!) 就喺我意犹未尽之际，见到佢做紧个推广㖞，扫描个QR Code就送免费Shot，咁我当然唔会走鸡，个shot仲真心几好饮添！总括嚟讲，虽然我已经江郎才尽，但作为一个自细立志做电竞选手嘅人，我只可以话，我拣Bar一定会拣呢间，但奉劝各位巴打就唔好带班唔识打机嘅女朋友嚟扫兴喇！