NUTTEA (海光街) (已結業)

Nuttea一如其名专做坚果奶，好啱对乳糖比较敏感嘅人饮用，又或者系素食者。佢除咗特别在坚果奶之外，仲Mix & match咗好多唔同款式同口味，有生果类、亦有唔同冷泡茶类。种类之多有少少似台式饮品舖，又有新式咖啡店嘅感觉，夹夹埋埋都有几十款有唔同种类嘅饮品可以拣。今日唔太有胃口，所以买咗一杯坚果奶当做午餐，一杯奶本身已经好饱肚，加咗黑芝麻即刻冇咁单调，芝麻味超浓郁。坚果奶又唔会好似牛奶咁对肠胃产生副作用，饮落去入口好顺滑，而且个味道系几舒服，想饮开牛奶嘅人都唔会觉得有违和感。