616牛肉火鍋專門店 (已結業)

今日落大雨又咁啱想打边炉，仲要手头上有一张匙柄嘅赠券，于是就去咗好近红磡地铁站嘅616。每次去616都好窝心，因为店员都好有礼貌又细心咁去介绍牛肉唔同部位嘅特色。我同女朋友本身都唔钟意食太肥嘅肉，每次店员都会好有耐性咁同我哋讲解唔同部位嘅口感、肥瘦度、内味浓淡度等等，同我地上咗一堂牛肉课一样。今次店员就介绍左肉味浓厚芳郁嘅横膈肌、肥瘦适中嘅牛朴内同走肥嘅匙柄。我地仲点左弹牙牛丸，多汁双并牛肉饺，同唔系好多地方有嘅羽衣甘蓝。先讲牛丸，比想像中有更浓郁嘅牛肉味而且十分弹牙真系好好味。双饺子比较特别，其中有一款系麻辣饺子，里面除咗有辣椒之外仲有一啲辣椒油混合汤汁系只饺子入边，食𠮶阵时一定要小心啲唔系好容易辣亲喉咙，而且连一向嗜麻辣嘅我都觉得几辣，如果钟意食辣嘅你一定唔可以错过！羽衣甘蓝亦都好新鲜绝对可以一试。店员真系好好人，又俾咗牛颈脊嘅赠券我哋，睇嚟我哋好快又要去探下佢啦。