影片
更多
2017-11-13
850 浏览
如果想追求一个唔迫，环境唔太嘈既地方打边炉，呢间「囍」绝对岩哂您心水! 星期六晚8点半前到左店舖，唔洗等位，入面又唔多人，虽然我地得2 个人，但店员安排左个4人卡位比我地，个座位亦都十分阔落，就算坐足4个人都唔会迫。个环境好适合朋友聚会，一边食野一边吹水。由于朋友想食牛肉，所以就拣左个B餐(每位$148, 计埋加一就$163), 最经济实惠而又有牛肉既餐，猪牛鸡肉都有。望一望啲汤底选择，由清淡到浓味既选择都有，本来谂住安全啲拣寿喜烧，不过朋友想试木瓜椰青水，而服务员都推介话木瓜椰青水都多客人选择。的确呢个汤底好少见到，咁就试下啦！好快服务员就拎左个煲过黎，开到最大火，话等佢滚左就会帮我地落鸡肉落去煮。咁系等待既时间我同朋友就一齐出左去睇下有咩配料拎。基本上见到佢啲配料选择都几充足，蔬菜种类几多，竟然连秋葵都有!其他一啲火锅料都有：丸类，加工肉类（肠，午餐肉），面类。亦都有煮熟左既食物，好似炒饭同寿司。由于实在太肚饿，先食左少少少寿司顶住肚先。返到埋位，啲汤差唔多滚啦，服务员就过左黎帮我地落鸡同埋木瓜汤料，原来喺枱面上既沙漏系用黎计住煮鸡既时间，等左大约五分钟左右就食得。食一口既感觉系：
由于朋友想食牛肉，所以就拣左个B餐(每位$148, 计埋加一就$163), 最经济实惠而又有牛肉既餐，猪牛鸡肉都有。
望一望啲汤底选择，由清淡到浓味既选择都有，本来谂住安全啲拣寿喜烧，不过朋友想试木瓜椰青水，而服务员都推介话木瓜椰青水都多客人选择。的确呢个汤底好少见到，咁就试下啦！
好快服务员就拎左个煲过黎，开到最大火，话等佢滚左就会帮我地落鸡肉落去煮。咁系等待既时间我同朋友就一齐出左去睇下有咩配料拎。
基本上见到佢啲配料选择都几充足，蔬菜种类几多，竟然连秋葵都有!其他一啲火锅料都有：丸类，加工肉类（肠，午餐肉），面类。亦都有煮熟左既食物，好似炒饭同寿司。由于实在太肚饿，先食左少少少寿司顶住肚先。
返到埋位，啲汤差唔多滚啦，服务员就过左黎帮我地落鸡同埋木瓜汤料，原来喺枱面上既沙漏系用黎计住煮鸡既时间，等左大约五分钟左右就食得。食一口既感觉系：鸡肉一流，又滑又甜！本来有谂过煮耐少少，但本身个汤底几清下，唔想令佢变左鸡汤咁，同埋咁滑既鸡肉煮大耐会老，所以都系快快手咁夹起哂啲鸡肉食。
服务员介绍左个「特制酱料」去点鸡肉食：日式酱油，再加少少新鲜柑桔汁，同埋沙姜。自己试完建议可以加多少少柑桔汁（佢系比两粒柑桔自己挤啲汁出黎，够哂新鲜），会多少少酸味中和番日式酱油既甜，同鸡肉好夹，有种天然既味道。之后用黎点牛肉猪肉既味道都好夹。
特制酱料
48 浏览
0 赞好
0 留言
同朋友亦都各自装左一碗试左佢既木瓜椰青水汤底，都系一个「正」字！个汤好清甜，散发出少少椰香。亦都系令我对成餐火锅好满足既主要原因，平时喺其他地方食火锅，好多时都系靠浓味既火锅令所有食物都好食（其实好似食味精咁，所有野都会食浓味汤底），但食清汤底既话如果啲配料唔得既话，又会系唔好食。但今次呢个木瓜椰青水汤底好成功咁同所有火锅料既味道融合埋一齐：将蔬菜既甜度提升，将肉类既鲜味提高，保持左食材本身既味道特性，唔会比个汤底抢哂味，仲要健康过平时既浓味汤底，极力推介木瓜椰青水汤底！同时亦都证明左佢本身火锅材料质素好，所以敢推介口味较为清甜既汤底！所以个人推介各位朋友喺呢度食系唔需要去再沟酱料，基本上个汤底同个「特制酱料」已经够食哂！
木瓜椰青水汤底
45 浏览
0 赞好
0 留言
到左火锅主料既肉！个餐包括猪同牛肉，质素都十分好。而呢间火锅店令我感到有良心既系佢就算出第二，第三轮既肉，个质素都保持得好好，啲肉质望落去都系靓，食落都系咁好食，绝无欺场！
（B餐）欧州健康草饲牛肉＋巴西豚肉
$148
82 浏览
0 赞好
0 留言
有另外一样配料推介就系「日式绿茶面」，平时其他地方见唔到，于是就试下，放落去煮左5分钟左右就夹左黎食，食落好Q，弹牙，顺滑，入口好舒服既感觉，就算唔洗点咬，都可以吞到落肚。另一个原因系佢对面条既处理十分好，平时食乌冬同公仔面一个面饼既份量令到唔少人觉得好快饱肚，所以唔敢拎黎煮。但佢既面条就用左个小容器装住，份量比较细，煮好大约都只系一汤勺，好岩啲想试下少少面既朋友仔。(因为我都钟意食少少，留番个肚试多啲其他野嘛!)
日式绿茶面
58 浏览
0 赞好
0 留言
日式绿茶面
62 浏览
0 赞好
0 留言
后期个汤底煮到变色，所以建议一开始先装一碗汤饮下最纯正既汤底味，再煮左啲菜先，最后先开始煮肉。咁亦都系食得比较健康。
食到差唔多饱，系时候食甜品啦！同大部份火锅店一样，佢有牛奶雪糕机可以自己挤雪糕，旁边放左啲配料可以自助咁加。食落都几香牛奶味，十分满意。
牛奶雪糕
86 浏览
0 赞好
0 留言
牛奶雪糕
107 浏览
0 赞好
0 留言
牛奶雪糕
78 浏览
0 赞好
0 留言
好食以外，佢亦都做到一间成功既食店应有既服务态度，服务员好亲切，好好笑容，不时会过黎问我地需唔需要加汤，一开始入座既时候亦都做左唔少既介绍，同埋介绍下推荐食法。亦都好乐意解答我地既问题，加肉速度亦都十分迅速。
用餐途中听到有两枱客都唱生日乐食蛋糕，于是我问左服务员，餐厅唔收切饼费，十分有良心。
时间虽然系90分钟，或者相比其他火锅店有120分钟好似短左少少，不过能够食到好食既野，食得满足，食得饱，服务又好，其实90分钟都真系好够，唯一美中不足既地方系一开始花左啲时间去煲滚啲汤，落鸡，再计时，等啲鸡煮好左先可以落其他火锅配料，𠮶度其实都花左10分钟左右。
尚品黄金鸡
84 浏览
0 赞好
0 留言
暖麦茶
36 浏览
0 赞好
0 留言
题外话/补充资料：
一句讲哂:呢间火锅店无得输! 下次一定会再去!
(以上食记乃用户个人意见 , 并不代表OpenRice之观点。)
张贴
