博派麵館 (已結業)

周末要谂同小朋友去边度食，揾到呢间喺荃湾嘅新小店，一睇到张相，谂都唔洗谂，就嚟呢度食一嚟到门口见到只大黄蜂，小朋友已经好兴奋。入到去仲夸张，每台都有个头喺度，心谂边个嚟㗎，原来佢就系传说中嘅柯柏文！入面仲系放超级辣嘅辣椒油㗎添，小朋友，唔好乱掂㖞！老实说，食物选择唔系好多，虽然有齐牛、猪、鸡及鱼，但配搭实在太新奇，鸡杂及猪肠我唔啱了，所以可以拣嘅唔多，但胜在价钱都相宜虾腐鲮鱼饼汤米线 ($68)鱼腐就食得多，虾腐真系比较少见，虾味就唔系好重，不过口感软绵，好啱小朋友食；鲮鱼饼入面嘅葱粒好香口，口感弹牙，又系小朋友会抢住食嘅𩠌，不过有一块就㶶咗少少；除此之外，仲有菇、菜、豆卜及芽菜，非常丰富；鱼汤真系好清澈，感觉上完全唔油腻，非常清甜，仲有浓郁嘅鱼味，好有惊喜！鱼汤烤鱼汤米线 ($68)原来系一大块轻轻煎过嘅鱼，不过唔系鱼腩部位，肉质唔系太嫩滑，不过胜在清清哋啦，如果鱼皮冇浸过会更加香脆！就算隔咗一阵先食，啲米线仲keep到好烟韧，冇浸到烂晒，抵赞！芝士薯蓉烧蕃茄 ($26)几新鲜嘅配搭，但全部一齐食会好腍，冇乜特别嘅层次，可能简简单单芝士烧蕃茄会更好味食物清淡健康，环境干净企理，绝对适