新港明珠海鮮酒家 (已結業)

去完老人院，落條斜路黎到呢間茶樓，橫掂未食lunch，就黎飲下茶先。一點二黎到，帶位問等唔等下午茶，下午茶一點九開始，仲有成半個鐘有多，梗係唔啦，反正友人身體不適，純粹坐下，唔會食好多。皮蛋瘦肉粥，好夠味，應該有唔少師傅。牛栢葉，十分油，爽但無乜味。水晶包，呢樣幾好，皮唔算太厚，奶皇同豆沙餡都賬卜卜，唔太甜。坐正張路中嘅中間枱，唔迫，有伙計沖茶，又夠冷氣，杯茶夠熱。雖然食物麻麻，但為吹水hea下都幾好吖。