影片
更多
2024-02-20
584 浏览
💌情人节当然要揾一间比较浪漫嘅西餐。喺OpenRice见到呢间Green Orange，评分都好高。咁就嚟试吓啦。满心欢喜嚟到，发觉呢间餐厅真系好迫。枱同枱之间嘅距离非常之细。本身侍应安排咗我哋坐喺呢一个位置。我见到都有少少惊讶。因为呢间餐厅价钱唔平，平均过$1000一个人。 呢个位系会个头顶住个吧枱。😓要坐啲咁嘅位成个用餐体验自然唔会好得去边。之后，侍应都安排咗我哋系卡位，但系枱同枱之间都仲系非常之挤迫，差唔多同隔离台痴住咁滞 🥲讲埋野食。情人节特别餐单价钱都算偏贵。但系情人节要加价都理解既。讲真，啲食物其实几吸引🤩。加埋个价钱同埋评语，我地都几有期望。首先，上左法国生蚝🦪。第一只生蚝其实味道最浓，但系其他个啲味道好淡，味道唔同到我怀疑系两批唔同既货。不过起码唔会有腥味。不过质素真系比较普通 😕下一个系shrimp Sambuca and tomato bruschetta. 个面包🥖部份真系好硬。调味ok，但系虾个汁真系唔得，完全盖住虾个鲜味。虾似系急冻虾。完全系一个系屋企都可以做得更好食既菜色 🤦🏻♂️沙律都系普普通通，酱汁系意大利醋，讲真就真系冇乜特别。分分钟喺屋企做都系差唔多
满心欢喜嚟到，发觉呢间餐厅真系好迫。枱同枱之间嘅距离非常之细。
本身侍应安排咗我哋坐喺呢一个位置。我见到都有少少惊讶。因为呢间餐厅价钱唔平，平均过$1000一个人。 呢个位系会个头顶住个吧枱。😓要坐啲咁嘅位成个用餐体验自然唔会好得去边。
之后，侍应都安排咗我哋系卡位，但系枱同枱之间都仲系非常之挤迫，差唔多同隔离台痴住咁滞 🥲
讲埋野食。情人节特别餐单
价钱都算偏贵。但系情人节要加价都理解既。讲真，啲食物其实几吸引🤩。加埋个价钱同埋评语，我地都几有期望。
首先，上左法国生蚝🦪。第一只生蚝其实味道最浓，但系其他个啲味道好淡，味道唔同到我怀疑系两批唔同既货。不过起码唔会有腥味。不过质素真系比较普通 😕
下一个系shrimp Sambuca and tomato bruschetta. 个面包🥖部份真系好硬。调味ok，但系虾个汁真系唔得，完全盖住虾个鲜味。虾似系急冻虾。完全系一个系屋企都可以做得更好食既菜色 🤦🏻♂️
沙律都系普普通通，酱汁系意大利醋，讲真就真系冇乜特别。分分钟喺屋企做都系差唔多嘅水准。
洋葱浓汤，呢个同我期望上系有少少出入。因为我以为系法式洋葱汤。但系点知系嚟咗一个忌廉汤嘅款式。又系冇乜惊喜，唔算太过出色。
呢个牛扒绝对系今餐嘅”惊喜”。先讲咗配菜，除咗个薯仔有少少”暖意”之外，啲配菜全部都系冻冰冰，好似啱啱喺雪柜攞出嚟咁。我食咗个萝卜，我都冇再食过。
我以为西冷牛扒应该唔会差得去边。点知佢喺上边加咗一个好浓嘅蒜蓉牛油，完全盖过晒啲肉味。而且令到满口油。牛扒偏韧。最重点就系切到一半嘅时候，佢竟然系冻冰冰，真系用手都可以感觉到佢嘅”寒意”🥶。所以系完全失望。
呢个朱古力mousse可以话系全餐最好食嘅。红色嘅唔好以为系脆饼，只系蛋糕碎如果系加脆饼，可能个味道同口感会更加好。
总括嚟讲，呢一餐系充满着尴尬”体温”同埋”寒意”嘅一餐。完全估唔到收过千蚊一位嘅情人节套餐竟然会系咁嘅水准。
侍应嘅服务态度其实唔错，只系个气氛唔似一间西餐厅或者Bistro，似系茶餐厅。
😢应该都冇下次㗎啦，不过都希望餐厅可以改进。
张贴
