新華粥品 (已結業)

之前一直想响lunch食粥，但揾唔到好味又抵食既粥铺 (轩尼诗道都有间忠记既，但有落味精的...食到一半真系食唔落...) 终于上年发现油站附近开左间新粥铺，之后我帮衬过几次 虽然只有大概8张枱，但lunch hour唔算逼又唔算贵又有电视睇，所以已经成为我lunch 饭堂~ 12点零去到，只有唔够10个食客，咁我就私私然揾位坐~望一望餐牌，叫左个3号餐(皮蛋瘦肉粥配油炸鬼) P.S.大家千万唔好同阿姐讲"皮蛋瘦肉粥加多个油炸鬼"咁叫，阿姐会以为你散叫架 等左5分钟左右就有得食，个皮蛋瘦肉粥都几足料，虽然d皮蛋切开左，但我觉得应该差唔多有一只皮蛋，而瘦肉虽然唔系手撕，但都好够味，粥底d米系粒粒爆开的，食落无味精之余，仲几绵添 至于油炸鬼，本来我无乜期望，因为好多粥铺既油炸鬼都会系淋的，但当我拎上手，就知新华既油炸鬼唔会淋，摵开仲好毕直添! 试咬一啖，虽然唔算得上好新鲜，但都算脆又唔un，我当合格架啦 食完之后，我拎住之前阿姐写左价钱既纸仔去卖单，阿姐好有礼貌，就算收左钱都会笑住系咁同你讲多谢! (今时今日好多食肆都系收左钱就算，唔黑住面收钱已经算好...)所以呢点几抵赞，希望