雲貴軒米線專門店

营业中

休息中

小弟不嬲都讲过我嘅乡下第一就系日本，第二就系台湾。由于前两日先食完日本菜，所以而家又再次思乡，但系今次就唔系日本啦，而系台湾。所以就上网睇吓屋企附近有冇咩台湾菜，就见到有间系食米线同肉燥饭嘅，所以就即刻落街食啦。由于系今日系星期日，所以都几多人，所以我都等左一阵先有得入去食，原来逢星期一至五都会有下午茶，但系今日竟然冇，唯有叫反正价啦。不过都要四十几蚊，真系令我谂返系台湾食𠮶阵时嘅＄35台币，好想返去食啊。哈台嘅我，二话不说梗系叫咗个肉操饭加上清爽嘅猪颈肉，再加一杯台湾嘅珍珠奶茶。就系咁，我就默默等我期待嘅嘢食嘅来临。等左阵间，啲嘢食仲来啦睇落去份量都唔少，有五至六件猪颈肉同埋份量都不少嘅肉燥。仲有啲唔同嘅配菜同埋半只卤蛋，份量都几足架。其实个肉操饭真系冇咗台湾味，佢嘅都系比较港式𠮶种，我好似台湾𠮶啲通常会有少少肥膏，但系依个就无咗去台湾食嘅感觉，猪颈肉就OK ,亦唔会好似去其他餐厅食咁干，所以整体来讲都不错，当然啦，去台湾实食好食啲嘅。个珍珠奶茶都叫有奶味，应该唔系用奶粉冲出黎嘅，珍珠就几弹牙，不过咬落去啲珍珠冇甜嘅味道，整体来说都叫不过不失嘅。