東湖海鮮酒家 (已結業)

差不多两点钟去到东湖, 决定等位食下午茶, 等左半个钟, 两点十五分入到座...好肚饿, 先拎左两碟煎炸食物: 海鲜卷(中点) 同 煎韮菜肉饼(小点), 虽然唔热, 但系都几脆口, 我觉得都几好食... 海鲜卷有好多虾, 不过原来无沙律酱, 好失望... 韮菜肉饼其实除左脆口之外, 无乜特别...个大牌档阿姐话好忙, 唔得闲煎肠粉, 叫我地自己响点心纸叫, 不过佢讲野ge语气好差... 仲有我想拎o急汁, 被佢点到我头都晕, 一时指我去右边, 一时指我去左边, 可能佢地真系太忙啦...我地再响点心纸点左: 鲜竹牛肉(小点), 煎肠粉(中点), 糯米卷(中点)...开开心心等食之际, 先至发现原来三点钟之后大牌档D煎炸食物有特价 (不过超多人排队, 未必叫到想食ge食物) 算啦, 已经点够食物, 下次如果再黎就要醒水...煎肠粉一般货色, 麻酱我的至爱, 甜酱颜色有D奇怪...牛肉OK...糯米卷令我好失望, 除左糯米同包之外, 只有花生, 一粒蜡肠仔都无ge...大部分食物都系小点同中点, OK㖞... 不过茶钱要$8位, 会唔会贵左少少呀? 佢D茶好好饮咩, 唔值㖞...