橘焱胡同燒肉夜食 (已結業)

我地一行6人，一个月前已经相约要试一下依间台湾过江龙，满心欢喜于两星期前订位！当天打电话确认先知只可以食2小时，已经有d担心，因为怕未食完就要走。8点6个人准时入座，一开始叫左，10碟菜，有焼肉有沙律有小食，过左一小时......发觉唔对路，我地只食左2碟烧肉，因为每烧完一碟，要等服务员来帮手烧，我地等唔切，自己动手，服务员就话火力唔啱，佢地要帮我！一碟烧肉大概十件，每15分钟先等到佢帮忙焼一碟，我地最后坐左2小时，都只系食左6碟（每人大摡10件焼肉）真心觉得唔够爽。但讲到食物质素，真系几好，牛肉香软，其他烧肉亦好好食，推介牛舌、椒盐鸡软骨及墨鱼香肠（但要烧好耐），小食方面推介蕃茄仔及萝卜，酸酸甜甜好开胃。